लुम्बिनी प्रदेशमा मन्त्री बनेका जसपा सांसद निलम्बित, राजीनामा दिन २४ घण्ट‍े अल्टिमेटम

राजनीति

नेपाल लाइभ सोमबार, वैशाख ६, २०७८ १९:५१

काठमाडाैं- जनता समाजवादी पार्टी (जसपा)ले लुम्बिनी प्रदेश सरकारको मन्त्रीका रुपमा सोमबार सपथ लिएका आफ्नो पार्टीका चारजना सांसदलाई निलम्बन गरेको छ।

जसपाको लुम्बिनी प्रदेश समितिका अध्यक्ष अशोककुमार यादवले सोमबार विज्ञप्ति जारी गर्दै मन्त्रीको सपथ लिएका विजयबहादुर यादव, सन्तोष पाण्डे, सुमन शर्मा रायमाझी र कल्पना पाण्डे लम्साललाई चित्तबुझ्दो जवाफ नआएसम्मका लागि निलम्बन गरेकाे बताएका छन्।

सरकारबाट राजीनामा दिई चित्तबुझ्दो स्पष्टीकरण नदिए सांसद पदसमेत नरहनेगरी कारबाही प्रक्रिया अघि बढाइने विज्ञप्तिमा उल्लेख छ। उनीहरुलाई २४ घण्टे स्पष्टीकरण साेधिएकाे छ।

सोमबार लुम्बिनी प्रदेश सरकारका मुख्यमन्त्री शंकर पोखरेलविरुद्ध नेपाली कांग्रेस, नेकपा माओवादी केन्द्र र जसपाका सांसदले अविश्वास प्रस्ताव दर्ता गरेका थिए। तर, अविश्वास प्रस्ताव दर्ता गरेको केहीबेरमा जसपाका ४ जना नेताहरु मन्त्री नियुक्त भएका थिए।

उनीहरुले साेमबार नैप्रदेश प्रमुख धर्मनाथ साहसमक्ष पद तथा गोपनीयताकाे शपथ लिइसकेका छन्। सन्तोष पाण्डेलाई भौतिक भाैतिक पूर्वाधार र कल्पना पाण्डेलाई शिक्षा तथा सामाजिक विकास मन्त्रालयको जिम्मेवारी दिइएको छ।

यसैगरी, विजय यादवलाई भूमि व्यवस्था, कृषि तथा सहकारी मन्त्रालयको जिम्मेवारी दिइएको छ भने सुमन शर्मा रायमाझीलाई भौतिक राज्यमन्त्रीको जिम्मेवारी दिइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेतन्याहु, ग्यालेन्ट र डिफविरुद्ध आईसीसीको पक्राउ पुर्जी जारी

यस्तो छ विदेशी मुद्राको विनिमय दर, कुनको बढ्यो, कुनको घट्यो?

मुग्लिन-पोखरा सडकको पूर्वी खण्डमा धमाधम कालोपत्र गरिँदै