सेयर बजारमा रेकर्डसहित नयाँ वर्षलाई स्वागत

बैंक/बिमा/सेयर

नेपाल लाइभ बिहीबार, वैशाख २, २०७८ १६:२१

काठमाडौं- नयाँ वर्षकाे पहिलो दिनमै सेयर बजारमा रेकर्ड कायम भएको छ। नेप्से परिसूचक २० दशमलव ६७ अंकले बढेर २ हजार ७ सय ३५ दशमलव ४६ अंकमा पुगेको छ। जुन, हालसम्मकै उच्च हो।

गत वर्षको अन्त्य र नयाँ वर्षको शुरुवात सेयर बजारका लागि सुखद् भएको छ। साताको अन्तिम दिन बिहिबार सेयर कारोबार मापक नेप्से परिसूचक २०.६७ अंकले बढेर २ हजार ७३५.४६ मा पुगेको छ।

ठूला कम्पनीको कारोवार मापन गर्ने सेन्सेटिभ परिसूचक ६.१७ अंकले बढेको छ। कूल २०९ कम्पनीको १ करोड ९० लाख २० हजार ५२८ कित्ता सेयर ८ अर्ब ६३ करोड ६६ लाख ६८ हजार ६५९ मा खरिद बिक्री भएका छन्।

कारोबार भएका कूल १३ उपसमूहमध्ये व्यापार ९९.६६ र जलविद्युत् ८.९७ बिन्दुले घटेका छन्।

यस्तै, बैंकिङ २३.०४, होटल तथा पर्यटन १०.५, विकास बैंक ९०.१८, वित्त २८.३९, निर्जीवन बीमा ९.०३, उत्पादन ४३ं२७, अन्य ३.३, लघुवित्त ६.१४, जीवन बीमा ४५.६८, सामूहिक लगानी कोष ०.०५ र लगानी १.५९ बिन्दुले बढेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेको थुनछेक बहस सुरु

न्यूयोर्क टाइम्सको विश्वका घुम्नलायक स्थानको सूचीमा लुम्बिनी पनि

काठमाडौं अदालतमा रवि लामिछानेको थुनछेक बहस आजदेखि