एमाले प्रवेश गरेका चार माओवादी मन्त्रीको सांसद पद गुम्यो

राजनीति

नेपाल लाइभ बिहीबार, चैत २६, २०७७ १५:१०

काठमाडौं- नेकपा एमाले प्रवेश गरेका चार जना माओवादी केन्द्रका मन्त्रीहरुको सांसद पद गुमेको छ।

प्रतिनिधिसभाको बिहीबारको बैठकमा सभामुख अग्‍निप्रसाद सापकोटाले त्यससम्बन्धी सूचना पढेर सुनाएका हुन्।

माओवादी केन्द्रले एमाले प्रवेश गरेका चार मन्त्रीहरु ऊर्जामन्त्री टोपबहादुर रायमाझी, उद्योगमन्त्री लेखराज भट्ट, श्रममन्त्री गौरीशंकर चौधरी र सहरी विकास मन्त्री प्रभु साहले पद त्याग गरेको सूचना मंगलबार संसद् सचिवालयमा दर्ता गरेको थियो।

माओवादी केन्द्रको केन्द्रीय कार्यसमितिको निर्णयसमेत संलग्‍न गरेर दर्ता भएको उक्त सूचना पढेर सुनाउँदै सांसद पद रिक्त भएको सभालाई जानकारी गराइएको हो।

अन्य राजनीतिक दलको गतिविधिमा संलग्‍न हुनुका साथै केन्द्रीय सदस्य स्वीकार गरेकाले प्रत्यक्ष निर्वाचित ती सांसदलाई माओवादीले हटाएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूनको मूल्य एकैदिन प्रतितोलामा एक हजार पाँच सय रूपैयाँ बढ्यो सुनको भाउ

प्रमुख सत्तारुढ दल नै सडकमा, दरबारमार्ग आसपासमा ट्राफिक जाम

नेतन्याहु, ग्यालेन्ट र डिफविरुद्ध आईसीसीको पक्राउ पुर्जी जारी