काठमाडौं- नेपाल पत्रकार महासंघको यही २५ गते हुने निर्वाचनमा दुई समूहले प्यानल नै बनाएर प्रतिस्पर्धा गर्दै छन् भने केहीले स्वतन्त्र रुपमा उम्मेदवारी दिएका छन्। प्यानलमा अटाउन नसकेकाहरुले बागी उम्मेदवारी दिएका छन्।
नेपाली कांग्रेसनिकट प्रेस युनियन, माओवादी केन्द्रनिकट प्रेस संगठन नेपाल र एमाले माधवकुमार नेपालनिकट प्रेस चौतारीसहित विभिन्न १२ संगठनले गठबन्धन बनाएर उम्मेदवारी दिएका छन्। नेकपा एमाले केपी शर्मा ओलीपक्षको प्रेस चौतारी र नेत्रविक्रम चन्द ‘विप्लव’ पक्षको जनपत्रकार संगठनले संयुक्त उम्मेदवारी दिएका छन्।
यी गठबन्धनमा पर्न नसकेका धेरैले बागी उम्मेदवारी दिएका कारण निर्वाचनको नतिजा आम अनुमानभन्दा पर पुगेको छ।
महासंघको आगामी नेतृत्वका लागि पाँच जनाको उम्मेदवार परेको छ। १२ संगठनको गठबन्धनले विपुल पोखरेललाई अध्यक्षका उम्मेदवार बनाउँदा रामप्रसाद दाहाल बागी बनेका छन्। ओली-विप्लव समूहले निर्मला शर्माको नेतृत्वमा गठबन्धन बनाएर उम्मेदवारी दिएको छ। उक्त गठबन्धनका दीपक पाठक बागी उम्मेदवार हुन्। गजेन्द्र बुढाथोकीले भने स्वतन्त्र रुपमा अध्यक्षका लागि उम्मेदवारी दिएका छन्।
वरिष्ठ उपाध्यक्षमा ध्रुव लम्साल, माधव नेपाल, रमेश विष्ट र रामजी दाहालले उम्मेदवारी दिएका छन्। विष्ट पोखरेल प्यानलका आधिकारिक उम्मेदवार हुन्। सोही प्यानलबाट बागी बन्दै प्रेस युनियनका दाहाल र लम्सालले उम्मेदवारी दिएका छन्। नेपालले शर्मा प्यानलबाट वरिष्ठ उपाध्यक्षमा उम्मेदवारी दिएका हुन्।
यस्तै समावेशी उपाध्यक्षका लागि सात जनाले उम्मेदवारी दिएका छन्। जसमा दाना सुवेदी, बाला अधिकारी, अवधेस झा, उदय जीएम, मोहनकुमार सिंह, रेमबहादुर विश्वकर्मा, सीतलप्रसाद महतो छन्। पोखरेल प्यानलबाट जिएम र शर्मा प्यानलबाट झाले उम्मेदवारी दिएका हुन्।
यस्तै महासचिव पदका लागि चार जनाले उम्मेदवारी दिएका छन्। पोखरेल प्यानलबाट रोशन पुरी र शर्मा प्यानलबाट बालकृष्ण बस्नेतले उम्मेदवारी दिएका छन्। १२ संगठनको गठबन्धनकै प्रेस युनियनका राजेश मिश्रले बागी उम्मेदवारी दिएका छन्। सुवोध गौतमले पनि महासचिवको दाबेदारी पेस गरेका छन्।
खुला सचिव पदका पोखरेल प्यानलबाट गोविन्द चौलागाईंले उम्मेदवारी दिएका छन्। शर्मा प्यानलबाट खुला सचिवमा रामकृष्ण ज्ञवालीले उम्मेदवारी दिएका छन्। गठबन्धनमै रहेका प्रेस युनियनका नेता नकुल अर्याल र यमप्रसाद शर्मा (एम विरही)ले खुला सचिव पदमा बागी उम्मेदवारी दिएका छन्। जन्मदेव जैसी र कमल पन्तले स्वतन्त्र उम्मेदवारी दिएका छन्। यस्तै महिला सचिवका लागि पोखरेल प्यानलबाट सृजना अर्याल र शर्मा प्यानलबाट निमा काफ्लेले मात्रै उम्मेदवारी दिएका छन्।
आदिवासी जनजाति सचिव पदका लागि पोखरेल प्यानलबाट नारायण किलम्बु र शर्मा प्यानलबाट शाहीमान राईले उम्मेदवारी दिएका छन्। रामकुमार श्रेष्ठले स्वतन्त्र उम्मेदवारी दिएका छन्।
मधेसी सचिव पदका लागि चार जनाले उम्मेदवारी दिएका छन्। पोखरेल प्यानलबाट दीपेन्द्र चौहान र शर्मा प्यानलबाट स्वेता सिन्हले उम्मेदवारी दिएका छन्। प्रेस संगठनका प्रविन चौधरीले मधेसी सचिवमा बागी उम्मेदवारी दिएका छन्। देवकुमार यादवले स्वतन्त्र उम्मेदवारी दिएका छन्।
यस्तै दलित सचिव पदका लागि पाँच जनाले उम्मेदवारी दिएका छन्। पोखरेल प्यानलबाट हेमकर्ण विकले उम्मेदवारी दिएका छन् भने शर्मा प्यानलबाट मधु शाहीले उम्मेदवारी दिएकी छिन्। गणेशकुमार विक, मानसिंह विक, गोपाल बराईले समेत दलित सचिव दाबी गरेका छन्।
एसोसिएट सचिव पदका लागि ६ जनाले उम्मेदवारी दिएका छन्। पोखरेल प्यानलबाट पवन आचार्यले उम्मेदवारी दिएको बुझिएको छ। शर्मा प्यानलबाट रामेश्वर कार्कीले उम्मेदवारी दिएका छन्। यस्तै एसोसिएट सचिव पदका लागि पोखरेल गठबन्धनकै केपी ढुंगाना, केशवराज खनाल, विनय देवकोटा र राधेश्याम दाहालले समेत उम्मेदवारी दिएका छन्।
कोषाध्यक्षमा ६ जनाले उम्मेदवारी दिएका छन्। पोखरेल प्यानलबाट कलेन्द्र सिजुवालले उम्मेदवारी दिएका छन् भने शर्मा प्यालबाट कृष्ण गिरी आधिकारिक उम्मेदवार हुन्। गठबन्धनकै बागीमा प्रेस युनियनबाट दीलिप पौडेल, माधव दुलाल, प्रकाश थापालगायतको उम्मेदवारी परेको छ। मिनबहादुर बमले स्वतन्त्र उम्मेदवारी दिएका छन्।
लेखा समितिको संयोजकमा पोखरेल प्यालनबाट लेखनाथ न्यौपाने र शर्मा प्यानलबाट द्वारिका काफ्लेले उम्मेदवारी दिएका छन्। लक्ष्मण कार्कीले लेखा समितिको संयोजकमा स्वतन्त्र उम्मेदवारी दिएका छन्।
प्रदेश १ बाट दुई जना केन्द्रीय सदस्यका लागि ६ जनाको उम्मेदवारी परेको छ। यस्तै प्रदेश २ बाट सात जना, बागमती प्रदेशबाट सात जना, गण्डकी प्रदेशबाट सात जना, लुम्बिनी प्रदेशबाट १० जना, कर्णाली प्रदेशबाट सात जना, सुदूरपश्चिम प्रदेशबाट पाँच जनाको उम्मेदवारी परेको छ।
उपत्यका प्रदेशबाट आठ जना, प्रतिष्ठान प्रदेशबाट सात जना, एसोसिएटबाट पाँच जनाको उम्मेदवारी परेको छ।
उम्मेदवारहरुको सूची:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768538433.png)
-1764146706.png)
