टेलिकमले शेयरधनीलाई प्रतिशेयर ४० रूपैयाँ लाभांश दिने

कर्पोरेट

नेपाल लाइभ शुक्रबार, चैत १३, २०७७ १८:४३

काठमाडौं- नेपाल दूरसञ्चार कम्पनी (नेपाल टेलिकम)ले आर्थिक वर्ष २०७६/७७ को नाफाबाट शेयरधनीलाई प्रतिशेयर ४० रुपैयाँका दरले नगद लाभांश वितरण गर्ने निर्णय गरेको छ।

टेलिकमको शुक्रबार बसेको १३औं वार्षिक साधारण सभाले सञ्चालक समितिले प्रस्ताव गरेको ४० प्रतिशत नगद लाभांश पारित गरेको हो।

यस्तै, साधारण सभाले वार्षिक प्रतिवेदन पास गर्ने, अनुसूचीहरु पारित गर्ने र आर्थिक वर्ष २०७७/७८ को लागि महालेखापरीक्षकको कार्यालयको परामर्श तथा कम्पनीको लेखा परीक्षण समितिको सिफारिसमा लेखापरीक्षक नियुक्त गरेको टेलिकमका प्रवक्ता राजेश जोशीले बताए।

साधारण सभाले सर्वसाधारण शेयरधनीको प्रतिनिधिमा अम्बिकाप्रसाद पौडेललाई निर्विरोध निर्वाचित गरेको छ।

टेलिकमले गत आर्थिक वर्षमा ९ अर्ब ७४ करोड ८९ लाख रूपैयाँ नाफा आर्जन गरेको थियो। यस्तै, कम्पनीको प्रतिशेयर आम्दानी ६४ रूपैयाँ ९९ पैसा रहेको छ। गत आर्थिक वर्षमा टेलिकमको कुल ग्राहक संख्या २ करोड पुगेको वार्षिक प्रतिवेदनमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव

सभापोखरीमा आगलागीबाट १० परिवार विस्थापित, एक करोडभन्दा बढीको क्षति