मन्त्रिपरिषद्को निर्णय : होटल उद्योगलाई लकडाउन अवधिको विद्युत् डिमान्ड शुल्क छुट

अर्थ समाचार

नेपाल लाइभ आइतबार, चैत ८, २०७७ १६:४८

काठमाडाैं- सरकारले कोरोना महामारीबाट प्रभावित होटल तथा रेस्टुरेन्ट उद्योगले तिर्नुपर्ने लकडाउन अवधिको विद्युत् डिमान्ड शुल्क छुट गर्ने भएको छ। अर्थ मन्त्रालयको प्रस्तावमा मन्त्रिपरिषद्को बैठकले यस्तो निर्णय गरेको हो।

होटल उद्योगको रुपमा सञ्‍चालन भएका उद्योगमध्ये नियमित नवीकरण गरी कर विवरण पेस गरेका होटल तथा रेस्टुरेन्टलाई मात्र यो सुविधा दिइने सरकारका प्रवक्ता एवं सञ्‍चार तथा सूचना प्रविधिमन्त्री पार्वत गुरुङले जानकारी दिए।

उनका अनुसार सरकारले कोभिड संक्रमणको जोखिम न्यूनीकरण गर्न बन्दाबन्दी घोषणा गरेको मिति २०७६ चैत ९ गतेदेखि २०७७ भाद्र मसान्तसम्म होटल उद्योगले भुक्त्तानी गर्नुपर्ने विद्युतको मागको शुल्क छुट गरिनेछ।

त्यसैगरी असोज १ गतेदेखि माघ मसान्तसम्म डिमान्ड शुल्कको ५० प्रतिशत छुट दिने निर्णय गरेको प्रवक्ता गुरुङले बताए।

(यसअघि प्रकाशित यो समाचारमा 'डिमान्ड शुल्क' हुनुपर्नेमा अन्यथा भएकाले पाठकवर्गमा पर्न गएको द्विविधाप्रति क्षमायाचना गर्दै सच्याइएको छ। -सम्पादक)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेल नेपाल सुपर लिगको लागि खल्ती र आइएमई पे आधिकारिक टिकेटिङ पार्टनर

परराष्ट्र मन्त्री राणा र भारतीय विदेश मन्त्री जयशंकरबीच भेटवार्ता

गाजा आक्रमण: ४ सयभन्दा बढी मारिए, सुरक्षित स्थानतर्फ जाँदै स्थानीय