विश्व

रंगभेद विष हाे, खुलेर बाेलाैं: वाइडेन

नेपाल लाइभ शनिबार, चैत ७, २०७७ ०७:२२

काठमाडाैं- अमेरिकी राष्ट्रपति जो वाइडेनले रंगभेदका घटनाविरुद्ध चुप रहनु अपराध सरह रहेकाे बताएका छन्।

शुक्रबार जर्जिया पुगेका राष्ट्रपति वाइडेनले त्यहाँका एसियन–अमेरिकन नेताहरुसँग भेटेर रंगभेद नराम्रो विष रहेको र त्यसले देशलाई लामो समयसम्म घाइते पार्ने भन्दै अपराधका घटनाविरुद्ध खुलेर बोल्न अपिल गरेका हुन्।

मंगलबार बेलुका जर्जियाको एट्लान्टाका तीन स्पामा भएको आक्रमणमा ६ काेरियाली महिलासहित ८ जनाको ज्यान गएको थियो। उक्त घटना एसियाली नागरिकप्रति अमेरिकी नागरिकमा बढ्दाे रुपमा रहेकाे घृणाकाे भावनाका कारण घटेकाे बताइन्छ।

यो पनि पढ्नुहोस्

अमेरिकामा बढ्याे एसियाली नागरिकप्रति घृणाकाे भावनाबिहीबार, चैत ५, २०७७

यद्यपि प्रहरीले अहिलेसम्म सो आक्रमण के कारण गरिएकाे थियाे सपष्ट पार्न सकेकाे छैन। तर, पूर्व राष्ट्रपति डोनाल्ड ट्रम्पले कोरोना भाइरस फैलनुमा चीन मुख्य दोषी रहेको विवादास्पद अभिव्यक्ति दिएपछि चिनियाँ र कोरियाली नागरिकमाथि आक्रमण बढ्दो छ।

अमेरिकी संसदमा दुई एसियन–अमेरिकन सांसदले सो विधेयक दर्ता गरेका छन्। राष्ट्रपति वाइडेनले कोरोना भाइरससँग सम्बन्धित घृणाजन्य अपराध सम्बन्धी विधेयक पारित गर्न संसदलाई सुझाव दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आजदेखि बजेट अधिवेशन, प्रधानमन्त्री ओलीले सम्बोधन नगर्ने

शिक्षक आन्दोलनप्रति पार्टी संवेदनशिल छ – कार्यवाहक सभापति खड्का

भूकम्प २०७२ को स्मृतिमा सचेतनामुलक कार्यक्रम सम्पन्न