काठमाडौं- नेकपा एमालेको माधवकुमार नेपाल समूहको राष्ट्रिय कार्यकर्ता भेलामा छलफल सुरु भएको छ। बुधबार नेपालले अवधारणा पत्र पेस गरेपछि उपस्थित नेता कार्यकर्तालाई १० समूहमा विभाजन गरेर छलफल सुरु गरिएको हो।
बुधबारदेखि सुरु भएको छलफल बिहीबार पनि जारी रहनेछ।
छलफलका लागि ७ वटा मुख्य बुँदा तयार गरिएको छ। पहिलो बुँदामा 'कार्यक्षेत्रमा हाम्रो पक्ष र अन्य पक्षको संगठनात्मक र प्रभावको स्थिति कस्तो छ? केपी गुटले सिर्जना गरेका बाधा अवरोध लगायतका क्रियाकलाप कस्ता रहेका छन्' भन्ने छ।
त्यस्तै, चौथो बुँदा माओवादी केन्द्रलगायतका वामपन्थी दलसँग एकताको सम्भावनाको खोजीमा केन्द्रित छ। 'वर्तमान राजनीतिक परिस्थितिमा संघीय सरकार, प्रदेश सरकार र स्थानीय तहहरुको सञ्चालनमा हामीले कस्तो भूमिका खेल्ने? अन्य राजनीतिक दलहरु, विशेषतः नेकपा (माओवादी केन्द्र) लगायतका वामपन्थी पार्टी वा समूहहरुसँग एकता र सहकार्यको लागि के गर्नु उचित हुन्छ?,' उक्त बुँदामा उल्लेख छ।
त्यस्तै, पार्टीभित्र उत्पन्न अन्तरविरोध र समस्याको समाधानका विषयमा पनि छलफल गरिनेछ। 'केपी गुटले कारबाहीको नाममा एकपक्षीय गुटगत भेलाबाट गरेका निर्णयहरुलाई कसरी लिने र आगामी दिनमा हुनसक्ने त्यस्ता कामकारबाहीप्रति कस्तो प्रतिक्रिया दिने? केपी गुटले विभाजनको दिशा लिइरहेको स्थितिमा कसरी अगाडि बढ़ने?', अर्को बुँदामा उल्लेख छ।
यी समूहगत छलफलका लागि तयार गरिएका सात बुँदाहरु-
१) कार्यक्षेत्रमा हाम्रो पक्ष र अन्य पक्षको संगठनात्मक र प्रभावको स्थिति कस्तो छ? केपी गुटले सिर्जना गरेका बाधा अवरोध लगायतका क्रियाकलाप कस्ता रहेका छन्?
२) पार्टी कमिटी र जनसंगठन तथा पेशागत संगठनहरुलाई अहिलेको स्थितिमा कसरी अगाडि बढाउन उचित होला?
३) पार्टीभित्र उत्पन्न अन्तरविरोध र समस्याको समाधान कसरी गर्नु उचित होला? केपी गुटले कारबाहीको नाममा एकपक्षीय गुटगत भेलाबाट गरेका निर्णयहरुलाई कसरी लिने र आगामी दिनमा हुनसक्ने त्यस्ता कामकारबाहीप्रति कस्तो प्रतिक्रिया दिने? केपी गुटले विभाजनको दिशा लिइरहेको स्थितिमा कसरी अगाडि बढ़ने?
४) वर्तमान राजनीतिक परिस्थितिमा संघीय सरकार, प्रदेश सरकार र स्थानीय तहहरुको सञ्चालनमा हामीले कस्तो भूमिका खेल्ने? अन्य राजनीतिक दलहरु, विशेषतः नेकपा (माओवादी केन्द्र) लगायतका वामपन्थी पार्टी वा समूहहरुसँग एकता र सहकार्यको लागि के गर्नु उचित हुन्छ?
५) नेकपा (एमाले) लाई विधान, विधि र पद्धतिसम्मत किसिमले चलाउँदै यसको एकतालाई कायम राख्न के गर्नु उचित हुन्छ र के गर्नसकिन्छ?
६) पार्टी संगठन, जनसंगठनहरुको सञ्चालन तथा केपी गुटबाट भइरहेका कामकारबाहीहरु तथा तिनको सम्बन्धमा अन्य केही सान्दर्भिक जानकारी र सुझाव भए उल्लेख गर्ने।
७) अन्य राजनीतिक दल र शक्तिहरुका ध्यान दिइनुपर्ने सान्दर्भिक गतिविधिबारे केही भए उल्लेख गर्ने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1780051139.JPG)
-1764146706.png)
