आफूनिकट सांसदलाई माधव नेपालको ‘ब्रिफिङ’- ओलीसँग कुरा मिलेन

राजनीति

नेपाल लाइभ सोमबार, चैत २, २०७७ १७:२१

काठमाडाैं- नेकपा (एमाले)का वरिष्ठ नेता माधवकुमार नेपालले प्रधानमन्त्री एवं एमाले अध्यक्ष केपी शर्मा ओलीसँग सोमबार भएको छलफलबारे आफूनिकटका सांसद र केन्द्रीय सदस्यलाई जानकारी गराएका छन्।

बानेश्वरको एक होटलमा आफू निकटका सांसद र केन्द्रीय सदस्यलाई बोलाएर नेपालसहित छलफलमा सहभागी भएका नेताहरूले धुम्बाराहीको भेटबारे जानकारी गराएका हुन्।

भेलापछि सञ्चारकर्मीहरूलाई प्रतिक्रिया दिँदै एमाले नेता सुरेन्द्र पाण्डेले भने, '२८ गतेको बसेको भनिएको बैठकलाई बैठक नै होइन भनेर हामीले भनेका थियाैं। आधिकारिक बैठकले मात्रै निर्णय गर्न सक्ने हामीले बतायौं। साथीहरूलाई साेही जानकारी गराएका छाैं।'

उनले अदालतले एमालेलाई २०७५ जेठ २ भन्दा पूर्वको अवस्थामा पुर्‍याइदिएकाले साेही अनुसार पार्टी चल्नुपर्ने र फागुन २३ गते पछिका सबै निर्णय बदर हुनुपर्ने अडान राखिएको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो