काठमाडौं–नेपालका लागि हिरो मोटरसाइकलको आधिकारिक बिक्रेता नेपाल जनरल मार्केटिङ (एनजीएम)ले दुई वटा प्रिमियम मोटरसाइकल सार्वजनिक गरेको छ।
आइतबार एक कार्यक्रमबीच कम्पनीले हिरोको एक्स्ट्रिम १६० आर र हंक १५० आर गरी दुई नयाँ मोडलका उत्पादन नेपाली बजारमा सार्वजनिक गरेको हो।
प्रिमियम र प्राविधिकरूपमा अत्याधुनिक बाइक उपलब्ध गराउने उद्देश्यले दुई मोटरसाइकल ल्याएको कम्पनीले जनाएको छ। सार्वजनिक गरिएका दुवै नयाँ मोटरसाइकलमार्फत चालकले स्टाइल र राइडिङमा छुट्टै अनुभव लिनसक्ने कम्पनीको दाबी छ।
हिरो एक्स्ट्रिम १६० आर
१६० सिसी एयर कुल्ड बिएस–सिक्स मापदण्डको इन्जिन जडान गरिएको यो मोटरसाइकलमा अत्याधुनिक प्रविधि र उन्नत प्रोग्राम्ड–फ्युल–इन्जेक्सन जडान गरिएको छ।
मोटरसाइकलमा १५ बीएचपी (ब्रेकिङ हर्स पावर) सहित ८५०० आरपीएम (रिभोलुशन पर मिनेट) पावर आउटपुट प्रदान क्षमता रहेको छ। तीव्र गतिका वर्गमा ‘द्रूत लेन’ मा समावेश हुँदै ४.७ सेकेन्डमा प्रतिघण्टा ६० किलोमिटरसम्मको गति प्रदान गर्ने क्षमता रहेका कारण यो मोटरसाइकललाई ‘पावर–टु–वेट–रेसियो’ मानिएको कम्पनीले जनाएको छ। कम्पनीका अनुसार यो मोटरसाइकलको वजन १३८ केजी रहेको छ।
मोटरसाइकलमा जडान गरिएको डायमण्ड फ्रेम सेटअप मार्फत चालकले असाधारण ह्याण्डलिङको (कर्नर ह्याप्पी )अनुभव लिन सक्ने कम्पनीको दाबी छ।
३७ मिलिमिटर ’एमएम’ टेलिस्कोपिक फ्रन्ट फोकस र सात तहको रियर मोनो–सक सस्पेन्सन सेटअप गरिएको मोटरसाइकलमार्फत सटिक ह्यान्डलिङ र आरामदायी अनुभव लिन सकिने कम्पनीको दाबी छ। यसैगरी मोटरसाइकलमा जडान गरिएको दुई सय ७६ एमएम फ्रन्ट पेडल डिस्क र दुई सय २० एमएम पछाडिको पेडल डिस्क ब्रेकले सवारी चालकले सहजै नियन्त्रण गर्न सक्नेछन्। मोटरसाइक्लको ग्राउण्ड क्लियरेन्स एक सय ६५ एमएम रहेको छ।
मोटरसाइकलमा डिआरएलको साथ पूर्ण एलईडी हेडल्याम्प, ह्याजार्ड स्विच सहितको एलइडी इन्डिकेटर र पछाडि एच सिंग्नेचरयुक्त एलइडी टेल ल्याम्प जडान गरिएको छ। इन्भर्टेड पूर्ण डिजिटल एलसीडी डिस्प्लेसँगै फस्र्ट–इन–सेगमेन्ट, साइड स्ट्यान्ड इन्जिन कट अफले मोटरसाइकल प्राविधिक रूपमा अत्याधुनिक र सुरक्षित बनाएको कम्पनीको दाबी छ।
तीन लाख ३९ हजार रुपैयाँ मूल्य तोकिएको मोटरसाइकल हेड टर्नर पर्ल सिल्भर व्हाइट, भाइब्रन्ट ब्लू र स्पोर्टस् रेड लगायत तीन रङमा उपलब्ध छन्।
हंक १५० आर
१४९ सीसीको एयर–कुल्ड इन्जिनयुक्त यो मोटरसाइकलको कोर इन्जिनले १४.२ बीपीएचपी शक्ति र १२.६ एनएमको टर्क प्रदान गर्दछ। ‘रियल वर्ल्ड’ पर्फमेन्स प्रदान गर्ने उद्देश्यले मोटरसाइकलमा डायमण्ड ट्यूबलर फ्रेम राखिएको छ। यसमार्फत कर्नर र सिधा सडकहरूमा सटीक ह्यान्डलिङ र स्थिरता कायम हुने कम्पनीले जनाएको छ।
१३०\७० एमएम रेडियल रियर टायर जडान गरिएको मोटरसाइकल सबै किसिमका सडकमा चलाउन सकिने कम्पनीको दाबी छ। मोटरसाइकलमा उत्कृष्ट ह्यान्डलिङ तथा स्पोर्टी राइड सुनिश्चितताका लागि सात तहको मोनो–शक सस्पेन्सन जडान गरिएको छ।
चालक सुरक्षालाई मध्यनजर गर्दै मोटरसाइकलमा सुरक्षित वैकल्पिक सिंगल–च्यानल एबिएस जडान गरिएको छ। नयाँ एलोइ व्हील डिजाइन, २७६ एमएम फ्रन्ट र २२० एमएम रियर डिस्क ब्रेक समावेश गरिएको मोटरसाइकलमार्फत सबै किसिमका राइडिङ गर्न सकिने कम्पनीको दाबी छ।
मोटरसाइकलमा स्पोर्टी डिजी–एनालग इन्स्ट्रुमेन्ट क्लस्टरको साथ साइड स्ट्यान्ड इन्डिकेटर, ट्रिप मिटर र सर्भिस रिमाइन्डर लगायत विशेषता समावेश गरिएको छ।
आक्रामक आवारण र मस्कुलर इन्धन ट्यांक समावेश गरिएको मोटरसाइकलमा चिसेल्ड रियर काउल, वल्फ आइ एलइडी पोजिसन ल्याम्पसहितको स्पोर्टी हेडलाइट, एलइडी लाइट गाइडसहित एलइडी टेललाइट लगायत सुविधा जडान गरिएका छन्।
२ लाख ७९ हजार पाँच सय रुपैयाँ मूल्य पर्ने हंक १५० आर ब्ल्याक, स्पोर्ट्स रेड र टेक्नो ब्लू गरी तीन रङमा उपलब्ध छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770979298.jpg)
-1764146706.png)
-1770562345.jpg)
