काठमाडाैं–नेकपा माओवादी केन्द्रको नाम फेर्ने प्रस्ताव औपचारिक रुपमा केन्द्रीय कमिटीमा लग्ने तयारी गरिएको छ। आइतबार बिहान ११ बजे पार्टी कार्यालय पेरिसडाँडामा बस्ने केन्द्रीय कमिटीमा नाम फेर्ने प्रस्ताव लग्ने तयारी गरिएको हो।
फागुन २५ गते बसेको स्थायी कमिटीले पार्टीको समग्र अवस्थाको विषयमा अध्ययन गर्न चार सदस्यीय कार्यदल गठन गरिएको थियो। जसमा जनार्दन शर्मा, वर्षमान पुन, गिरिराजमणि पोखरेल र पम्फा भुसाल छन्। एमालेमा केपी शर्मा ओली पक्षले माधवकुमार नेपाल र झलनाथ खनाल पक्षलाई कारवाही गरी सकेकाले उनीहरुलाई समेत लक्षित गरेर नयाँ पार्टीको प्रक्रिया अघि बढाउन थालिएको हो।
एमालेबाट छुट्टिएर नेपाल खनाल पक्षसमेत बेग्लै पार्टी बनाउनुपर्ने अवस्थामा पुगेकाले माओवादीले त्यसको समेत मनोभावना बुझेर नाम परिवर्तन गर्ने तयारी गरेको हो। दुबै पक्षलाई चित्त बुझ्ने गरी माओवादी केन्द्रले नामको प्रस्ताव तयार गर्ने बुझिएको छ। सबै पक्षलाई समेट्न नाममा अब बन्ने नयाँ पार्टी कम्युनिस्ट भन्दा दायाँ बायाँ नहुने कार्यदलका सदस्य एवम् स्थायी कमिटी एक सदस्यले बताए।
‘नयाँ पार्टीको नाम जुनसुकै राखे पनि कम्युनिस्ट नै बन्छ। कम्युनिस्ट हाम्रो आर्दश हो । हाम्रो आस्था विश्वाससँग जोडिएको कुरा भयो। त्यसबाट यता उता भन्ने हुँदैन,’ ती नेताले भने। कार्यदलले माओवादी केन्द्रको सांगठनिक अवस्थाको विषयमा समेत ठोस प्रस्ताव ल्याउने भएको छ। पार्टी संगठन जनवर्गीय संगठनको अवस्था लगायत समर्ग विषय समेटेर केन्द्रीय कमिटीमा पेश गरिने भएको हो।
पार्टी कमिटीलाई बलियो बनाउन माथिल्लो कमिटीलाई तल्लो कमिटीले निर्वाचित गर्ने व्यवस्था गरिने भएको छ। यस्तो हुँदा माथिल्लो कमिटी तल्लो कमिटीसँग उत्तरदायी हुने नेताहरुले बताएका छन् नेकपाबाट छुट्टिएपछि सबै कम्युनिस्टहरुलाई जोडेर बृहत वामपन्थी धुर्वीकरण गरेर जाने कार्यदलका सदस्य एवम् स्थायी कमिटी अर्का एक सदस्यले बताए।
‘वामपन्थीको शक्तिहरको एकताका विषयमा जोड दिँदै आएका छौं,’ उनले भने पहिला पनि विभिन्न १० शक्ति मिलेर माओवादी केन्द्र गठन गरियाेऽ अहिले नयाँ परिस्थिति आएको छ। मुलुकलाई पछाडि फर्काउने प्रयास भइराखेको छ।त्यसका विरुद्ध वृहत् वामपन्थी एकता गरेर जानुपर्छ भन्ने छ।’
नेपालमा सामान्तवादको अन्त्य भइसकेकाले समाजवादी क्रान्तिका लागि नेपाल मौलिकता सहितको मोडल तयार गरिने भनिएको छ। समाजवादी क्रान्तिका लागि त्यस अनुरुपमा पार्टी र जनवर्गीय संगठन बनाउने विषयमा प्रस्ताव गरिने भएको छ। प्रचण्डलाई पार्टीको नाम फेर्न गाह्रो छैन प्रचण्ड नेतृत्वमा आएपछि नेकपा मशालबाट एकता केन्द्र मशाल बनाएका थिए। लगतै त्यस पार्टीलाई परिवर्तन गरेर २०५१ सालमा नेकपा माओवादी बनाएका थिए। माओवादी शान्ति प्रक्रियामा आएपछि नारायणकाजी श्रेष्ठ नेतृत्वको नेकपा एकता केन्द्र मशालसँग एकता गरेपछि २०६५ सालमा एकीकृत माओवादी बनाएको थियो। २०६९ सालमा मोहन वैद्य नेतृत्वमा नेकपा –माओवादी बनाएपछि प्रचण्डले मुल पार्टीको रुपमा एकीकृत माओवादी नै चलाएका थिए।
वैद्यबाट बादलसहित विभिन्न १० घटक कम्युनिस्टहरु एकतामा जोडिएपछि २०७३ सालमा नेकपा माओवादी केन्द्र बनाएका थिए। जेठ ३ गते २०७५ सालमा एमालेसँग एकता भएपछि नेपाल कम्युनिस्ट पार्टी(नेकपा) बनाएको थियो। सर्वोच्च अदालतको फागुन २३ गतेको फैसालपछि एमाले माओवादी पुरानै पार्टी ब्युँताएर जाने फैसला गरेपछि माओवादी केन्द्र गठन गरेका हुन्। पार्टीको नाम फेर्ने विषयमा प्रचण्ड डगम्याटिक नभएको स्थायी कमिटी सदस्य गणेश साहले बताए। माओवादी केन्द्रको नाम फेर्ने विषयमा प्रचण्डसमेत सकारात्मक भएकाले सबैलाई चित्त बुझ्ने गरी नाम तय हुन सक्ने उनले बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
