काठमाडौं– श्री भगवती क्लबले सहिद स्मारक बी डिभिजन लिग फुटबल अन्तर्गतकाे अन्तिम खेलमा जित निकालेको छ। मंगलबार भएको खेलमा श्री भगवतीले ब्वाइज युनियनलाई २–१ गोलअन्तरले पराजित गरेको हो।
ललितपुरको सातदोबाटोस्थित एन्फा कम्प्लेक्समा भएको खेलमा श्री भगवतीका लागि नवराज गुरुङ र प्रज्वल थापा मगरले गोल गरे। ब्वाइज युनियनका टंकबहादुर सिंदनले गोल फर्काए।
खेलको ४० औं मिनेटमा गोल गर्दै नवराजले श्री भगवतीलाई अग्रता दिलाए। तर खेलको ६३ औं मिनेटमा टंकले गोल गर्दै ब्वाइज युनियनलाई १–१ गोलको बराबरी दिलाएका थिए।
खेलको ६७ औं मिनेटमा प्रज्वलले गोल गरेपछि भने श्री भगवतीले ब्वाइज युनियनलाई २–१ गोलअन्तरले पराजित गरेको हो।
जितसँगै श्री भगवती लिगको पाँचौं स्थानमा उक्लिएको छ। लिगमा आफ्नो सबै ११ खेल नै खेलेको श्री भगवतीले चार खेलमा जित, चार खेलमा हार र तीन खेलमा बराबरी खेल्दै १५ अंक बनाएको छ।
हारबाट लिग सकाएको ब्याइज युनियन भने अहिले चौथो स्थानमा छ। ब्वाइज युनियनले ११ खेलमध्ये पाँच खेलमा जित, चार खेलमा हार र दुई खेलमा बराबरी खेल्दै १७ अंक बनाएर लिग सकाएको छ।
लिगको शीर्ष स्थानमा रहेको सातदोबाटो युथ क्लब भने दुई खेल अघि नै सहिद स्मारक ए डिभिजन लिगमा बढुवा भएको थियो।
सातदोबाटोको १० खेलबाट ८ खेलमा जित, एक खेलमा हार र एक खेलमा बराबरीसहित २५ अंक छ। दोस्रो स्थानमा रहेको खुमालटार युथ क्लबको १० खेलबाट २२ अंक छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791122041.webp)
-1786602170.png)
