काठमाडौं- सर्वोच्च अदालतले आइतबार नेकपाको नाम सम्बन्धी विवादमाथि फैसला सुनाउँदै पूर्वएमाले र माओवादी केन्द्र अलग–अलग पार्टी भएको उल्लेख गरेको छ।
नेपाल कम्युनिस्ट पार्टी संक्षिप्तमा ‘नेकपा’ नाम गरेको पार्टी निर्वाचन आयोगमा पहिला दर्ता भइसकेको अवस्थामा सोही दर्ता भइसकेको पार्टीसँग नाम मिल्ने गरी नयाँ पार्टी दर्ता भएको सर्वोच्चले आइतबार सुनाएको फैसलामा उल्लेख छ।
निर्वाचन आयोगको २०७४ जेठ २३ को निर्णय र सो निर्णयलाई सदर गर्ने गरी भएको २०७५ कात्तिक ९ को निर्णय राजनीतिक दल सम्बन्धि ऐन, २०७३ को दफा ६ (१ ङ) र राजनीतिक दल सम्बन्धि नियमावली, २०७४ को नियम ९ मा भएको कानुनी व्यवस्था विपरीत देखिँदा उत्प्रेषणको आदेशबाट बदर गरिदिएको फैसलामा उल्लेख छ।
निर्वाचन आयोगका यी दुवै निर्णय बदर भएपश्चात् साविकमा निर्वाचन आयोगमा राजनीतिक दलका रुपमा दर्ता रहेका नेपाल कम्युनिस्ट पार्टी (एकीकृत मार्क्सवादी लेनिनवादी) र नेपाल कम्युनिस्ट पार्टी (माओवादी केन्द्र) अलग–अलग राजनीतिक दलका रुपमा साविककै अवस्थामा कायम रहने फैसलामा उल्लेख छ।
अदालतको यो फैसलासँगै अब प्रतिनिधि सभामा पूर्वएमाले र पूर्वमाओवादी केन्द्र छुट्टाछुट्टै दलको रुपमा देखिने भएका छन्। यो आधारमा हेर्दा अब प्रतिनिधि सभामा पनि एमाले र माओवादी केन्द्रका सांसदको संख्याको गणना हुने भएको छ। दुई पार्टी एकीकरण हुनुअघि प्रतिनिधि सभामा एमालेका तर्फबाट प्रत्यक्षतर्फ ८० जना सांसद छन्। एमालेबाट प्रतिनिधि सभामा समानुपातिक तर्फका ४१ सांसद छन्। यो आधारमा हेर्दा प्रतिनिधि सभामा एमालेबाट प्रत्यक्ष र समानुपातिक गरी १२१ सांसद छन्।
यस्तै प्रतिनिधि सभामा माओवादी केन्द्रबाट प्रत्यक्षतर्फ ३६ र समानुपातिकतर्फ १७ जना गरी ५३ जना सांसद छन्। तर पार्टी एकिकरण भएर नेकपा बनेपछि सत्ता सञ्चालन गरिरहेका प्रधानमन्त्री ओलीले गत पुस ५ गते प्रतिनिधि सभा विघटनको निर्णय गरेपछि एमाले र माओवादी केन्द्रका सांसद कोही प्रधानमन्त्री केपी शर्मा ओली पक्षमा र कोही पुष्पकमल दाहाल ‘प्रचण्ड’–माधवकुमार नेपाल पक्षमा गएका छन्।
एमाले-माओवादी एकीकरणघि कुन पार्टीमा कति सांसद?
एमाले (प्रत्यक्षतर्फ)
योगेशकुमार भट्टराई, बसन्तकुमार नेम्वाङ, झलनाथ खनाल,सुवासचन्द्र नेम्वाङ, पत्रिता निरौला खरेल,लालप्रसाद साँवा लिम्बु,केपी शर्मा ओली, राजेन्द्रप्रसाद गौतम, भवनीप्रसाद खापुङ, राजेन्द्रकुमार राई, घनश्याम खतिवडा, भानुभक्त ढकाल, लालबाबु पण्डित,जयकुमार राई, विशाल भट्टराई, यज्ञराज सुनुवार, लिलानाथ श्रेष्ठ, रघुवीर महासेठ, पार्वत गुरुङ, गणेशकुमार पहाडी, भुमिप्रसाद त्रिपाठी, खेमप्रसाल लोहनी, नारायणप्रसाद खतिवडा, माधवकुमार नेपाल, कृष्णबहादुर राई, इश्वर पोखरेल, रामवीर मानन्धर, जीवनराम श्रेष्ठ, कृष्णगोपाल श्रेष्ठ, महेश बस्नेत, नवराज सिलवाल, कृष्णलाल महर्जन, गोकुलप्रसाद बाँस्कोटा, शेरबहादुर तामाङ, कृष्णप्रसाद दाहाल, विरोध खतिवडा, सुरेन्द्रप्रसाद पाण्डे, कृष्णभक्त पोखरेल, पाल्देन छोपाङ गुरुङ, खगराज अधिकारी, विद्या भट्टराई, जगतबहादुर विश्वकर्मा, कृष्णकुमार राई, केदार सिग्देल, नारायणप्रसाद मरासिनी, पदमाकुमारी अर्याल, तिलबहादुर महत क्षेत्री, प्रेमप्रसाद तुलाचन, भुपेन्द्रबहादुर थापा, सूर्यप्रसाद पाठक, पदम गिरी, प्रदीपकुमार ज्ञवाली,गोकर्णराज विस्ट, दलबहादुर राना, सोमप्रसाद पाण्डे, छविलाल विश्वकर्मा, विष्णुप्रसाद पौडेल, घनश्याम भुसाल, वृजेशकुमार गुप्ता, मेटमणि चौधरी, हिराचन्द्र केसी, नन्दलाल रोका क्षेत्री, हृदेश त्रिपाठी, धनबहादुर बुढा, गोपालबहादुर बम, रविन्द्रराज शर्मा, राजबहादुर बुढा क्षेत्री, ध्रुबकुमार शाही, नवराज रावत, लालबहादुर थापा, भीमबहादुर रावल, यज्ञबहादुर बोगटी, भैरवबहादुर सिंह, प्रेमबहादुर आले, झपटबहादुर रावल, नारदमुनी राना, गणेशसिंह ठगुन्ना, दामोदर भण्डारी, नरबहादुर धामी, दीपकप्रकाश भट्ट छन्।
एमाले (समानुपातिक तर्फ)
विजय सुब्बा, थम माया थापा, शिव माया तुम्वाहाङ्फे, सुजिता शाक्य, रामकुमारी झाक्री, विना कुमारी श्रेष्ठ, तुल्सि थापा, नविना लामा, शान्तीमाया तामाङ पाख्रिन, कुमारी मेचे, विना देवी बुढाथोकी, मोहन बानिया, मुकुन्द न्यौपाने, राधाकुमारी ज्ञवाली, विन्दा पाण्डे, गोमा देवकोटा, कल्याणी कुमारी खड्का, निरु देवी पाल, मनकुमारी जिसी, माया देवी न्यौपाने, बिष्णु शर्मा, सरीता न्यौपाने, मैनाकुमारी भण्डारी, तिर्था गौतम, शान्ता चौधरी, लक्ष्मी कुमारी चौधरी, गंगा चौधरी, निरा देवी जैरु, विमला बिक, पार्वती कुमारी विशुन्के, सानु सिवा, आशा कुमारी विक, मोती लाल दुगड, जुलीकुमारी महतो, पुष्पा कुमारी कर्ण कायस्त, सरला कुमारी यादव, रेखा कुमारी, सरिता कुमारी गिरी, कलिला खातुन र समिना हुसेन।
माओवादी केन्द्र (प्रत्यक्ष तर्फ)
सुरेन्द्र कुमार कार्की, सुदन किराती, अमनलाल मोदी, शिवकुमार मंडल (केवट), हेमकुमार राई, सुरेश कुमार राई, सुरेश चन्द्र दास, मातृका प्रसाद यादव, गिरिराजमणि पोखरेल, रामेश्वर राय यादव, प्रभु साह, श्यामकुमार श्रेष्ठ, हरिबोल प्रसाद गजुरेल, हितबहादुर तामाङ, पम्फा भुसाल, गंगा बहादुर तामाङ, अग्निप्रसाद सापकोटा, पुष्पकमल दाहाल, हरि राज अधिकारी, देवप्रसाद गुरुङ, देवेन्द्र पौडेल, टोप बहादुर रायमाझी, चक्रपाणी खनाल, कमला रोका, वर्षमान पुन, कृष्ण बहादुर महरा, महेश्वर ज्रग गहतराज (अथक), सन्तकुमार थारु, टेकबहादुर बस्नेत, गजेन्द्र बहादुर महत, दुर्गबहादुर रावत, शक्ति बहादुर बस्नेत, जनार्दन शर्मा, गौरी शंकर चौधरी, लेख राज भट्ट र बीना मगर।
माओवादी केन्द्र (समानुपातिक तर्फ)
जयपुरी घर्ती, शशी श्रेष्ठ, ओनसरी घर्ति, यशोदा गुरुङ सुवेदी, अमृता थापा, चुडामणी खड्का, रेखा शर्मा, पूर्णकुमारी सुवेदी, धर्मशीला चापागाईं, सत्य पहाडी, रामकुमारी चौधरी, अञ्जना विशंखे, दुर्गा कुमारी विश्वकर्मा, इन्दुकुमारी शर्मा, वोधमाया कुमारी यादव, दिल कुमारी र चाँद तारा कुमारी।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768538433.png)
-1764146706.png)
