काठमाडौं - प्रधानमन्त्री केपी शर्मा ओलीले आफू ६४ प्रतिशतको प्रधानमन्त्री भएको भन्दै उनले अविश्वास प्रस्ताव पारित गरेर देखाउन चुनौती दिएका छन्। प्रधानमन्त्री ओलीले आफूले राजीनामा नदिने पनि बताएका छन्।
प्रतिनिधी सभा विघटन अदालतले बदर गरिदिएपछि प्रधानमन्त्री ओलीले राजीनामा दिने विषयमा वहश चलिरहेका बेला उनले हिमाललय टेलिभिजनमार्फत् यस्तो बताएका हुन्।
उनले आफूलाई प्रधानमन्त्रीबाट राजीनामा देउ भनेर सर्वोच्च अदालतले फैसलामा उल्लेख नगरेको बताउँदै संसद् फेस गर्ने बताएका हुन्। अदालतको फैसलाले नैतिक संङ्कट त सिर्जना भयो नि भन्ने प्रश्नमा उनको प्रतिप्रश्न थियो, '‘के मा हरायो? राजीनामा देऊ भन्यो? यस्तो अवस्थामा राजीनामा दिनुपर्छ भन्यो?’
अदालतसँग आफूले अनेक मुद्दामा हारिरहेको बताउँदै पदबाट राजीनामा दिन बाध्य नहुने उल्लेख गरेका छन्।
उनले आफूसँग आवश्यक परे विश्वासको मत लिने लगायतका विकल्प रहेको बताएका छन्। ‘आवश्यक परे विश्वासको मत लिन सक्छु । विश्वासको मतमा मलाई हराउन पर्यो नि। त्यसबाहेकको बाटो पनि छ,' उनले भने।
सर्वोच्चको फैसलापछि यस विषयमा वहश जरुरी नभएको बताउँदै प्रतिनिधी सभा विघटन समस्याको समाधान रहेको जिकिर गरे। उनको भनाइ थियो, ' मैले गरेको निर्णयले देश चुनावतिर जान्थ्यो । समस्याको समाधान हुनेतिर जान्थ्यो।’
फैसलापछि आफूले राजीनामा दिँदा पनि अस्थिरता सिर्जना हुने बताउँदै राजीनामा पत्र लेख्ने स्थिति नभएको बताएका छन्।
उनले कांग्रेस र जसपाको साथ आफूले पाउने दाबी गरेका छन्। कांग्रेस सभापति देउवा आफ्नो पुरानो मित्र भएको बताउँदै लोकतन्त्रका लागि फरक ठाउँबाट एकसाथ लड्ने आफूहरुको बुझाइ समेत भएको उल्लेख गरे। कांग्रेस र मधेसवादी दलले राजनीति गरेको र पार्टी खोलेको कुनै अमुक महत्वकांक्षी व्यक्तिलाई प्रधानमन्त्री बनाउन नभएको उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
