काठमाडौं- एनसेलको नयाँ एप डाउनलोड गर्ने ग्राहकले १ जिबी डाटा निःशुल्क पाउने भएका छन्। एनसेल एपको नयाँ संस्करण सार्वजनिक गर्दै एनसेलले यस्तो अफर ल्याएको हो।
नयाँ एप प्रयोगकर्ताले मोबाइलबाटै अनलाइन रिचार्ज, आफूलाई मनपर्ने भोइस र डाटा प्याक पनि लिन सक्नेलगायतका सुविधा छन्। एपबाट ग्राहकले सेवा सुविधाबारे सुझाव पनि दिन सक्ने बताइएको छ।
ग्राहकलाई थप गुणस्तरीय सेवा प्रदान गर्न नयाँ एप ल्याइएको एनसेलले जनाएको छ। एनसेलले गत महिना मात्र च्याटबोट सेवा ‘माया’ ल्याएको थियो। एनसेल एपमा यो च्याटबोट सेवा पनि समावेश छ।
एनसेलका ग्राहकले गुगल प्ले स्टोर र एप्पल एप स्टोरमा गई नयाँ संस्करणको एनसेल एप आफ्नो मोबाइलमा डाउनलोड गर्न सक्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
