यो साता १ सय १० अंकले बढ्यो नेप्से, बिहीबार मात्र २५.२३ अंकको वृद्धि

बैंक/बिमा/सेयर

नेपाल लाइभ बिहीबार, फागुन ६, २०७७ १५:४९

काठमाडौं- यो साता नेपाल स्टक एक्सचेन्ज (नेप्से) परिसूचक १ सय १० अंकले बढेको छ। साताको पहिलो दिन आइतबार २५२६.९२ अंकबाट कारोबार सुरु भएको परिसूचक अन्तिम दिन बिहीबार २६३६.६८ अंकमा कायम भएको छ। बिहीबार मात्र परिसूचक २५.२३ अंकले बढेको छ।

आज २ सय ६ वटा कम्पनीको १ करोड ९६ लाख ४६ हजार कित्ता सेयर ९० हजार २ सय पटक खरिद बिक्री हुँदा ८ अर्ब ७६ करोड २१ लाख ५६ हजार रुपैयाँ बराबरको कारोबार भएको छ।

आज निर्जीवन, लघुवित्त र जीवन बिमा समूहको उपसूचक क्रमशः ५०.३, २८, र १०९.७३ अंकले घटेको छ भने बाँकी सबै समूहको उपसूचक बढेको छ। सबैभन्दा धेरै व्यापार समूहको उपसूचक ७२.९२ अंकले बढेको छ।

बैंकिङ समूह २३.३७, होटल समूह ४.६९, विकास बैंक समूह ६२.१४, जलविद्युत समूह १८.६, वित्त समूह ५.३५, उत्पादन समूह २०.१६ र अन्य समूह ५३.८२ अंकले बढेको छ।

बिहीबार कारोबार रकमका आधारमा सबैभन्दा धेरै एनआइसी एसिया बैंकको ५६ करोड रुपैयाँ बराबरको कारोबार भएको छ भने सेयर खरिद बिक्रीका आधारमा सबैभन्दा धेरै सिभिल बैंक लिमिटेडको ११ लाख ८७ हजार ४ सय २० कित्ता सेयर किनबेच भएको छ।

नेपाल हाइड्रो डेभलपर्स लिमिटेडका लगानीकर्ताले सबैभन्दा धेरै प्रतिकित्ता १० प्रतिशतका दरले कमाएका छन् भने सबैभन्दा धेरै गुमाउनेमा हिमालय ऊर्जा विकास कम्पनीका लगानीकर्ताले प्रतिकित्ता ३.७० प्रतिशतका दरले गुमाएका छन्।

यही साताबाट कारोबार सुरु भएको नेपाल इन्फ्रास्ट्रक्चर बैंकको सेयर मूल्य बिहीबारसम्ममा प्रतिकित्ता ५ सय ४६ रूपैयाँ कायम भएको छ भने कम्पनीको बजार पूँजीकरण १ खर्ब रुपैयाँ नाघेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माइती नेपाललाई एक करोड रुपैयाँ दिने प्रधानमन्त्री ओलीको घोषणा

नेपाली र भारतीय सेनाको संयुक्त अभ्यास सूर्यकिरण सम्पन्न

जापानमा ६.८ म्याग्निच्युडको भूकम्पपछि सुनामीको चेतावनी