नेप्सेको उकालो यात्रा कायमै, ९.९४ अंकले बढ्यो परिसूचक

बैंक/बिमा/सेयर

नेपाल लाइभ बुधबार, फागुन ५, २०७७ १५:३०

काठमाडौं- नेपाल स्टक एक्सचेन्ज (नेप्से) परिसूचकको उकालो यात्राले बुधबार पनि निरन्तरता पाएको छ। बुधबार परिसूचक ९.९४ अंकले बढेर २६११.४५ बिन्दुमा कायम भएको छ।

बुधबार २०३ वटा कम्पनीको १ करोड ७६ लाख ८८ हजार २७१ कित्ता सेयर ७६ हजार ६३० पटक खरिद बिक्री हुँदा ८ अर्ब ३ करोड ५५ लाख १० हजार रुपैयाँ बराबरको कारोबार भएको छ।

बैंकिङ, व्यापार, विकास बैंक र अन्य समूहको उपसूचक २९.७७, ५९.०६, ३.५६ र १०.४३ अंकले बढेको छ भने बाँकी सबै समूहको उपसूचक घटेको छ।

सबैभन्दा धेरै जीवन बिमा समूहको उपसूचक १४४.८३ अंकले घटेको छ। त्यस्तै होटल समूह १५.४५, जलविद्युत समूह १४.४४, वित्त समूह १.१२, निर्जीवन बिमा समूह १३६.५९, उत्पादन समूह ८६.४१ र लघुवित्त समूह ४५.६४ अंकले घटेको छ।

आज सबै भन्दा धेरै नेपाल इन्फ्रास्टक्चर बैंक (निफ्रा)को ६९ करोड ४३ लाख ९१ हजार रुपैयाँ बराबरको १३ लाख ९७ हजार १३० कित्ता सेयर किनबेच भएको छ।

सबैभन्दा धेरै कमाउनेमा पनि निफ्राका लगानीकर्ताले प्रतिकित्ता ९.९६ प्रतिशतका दरले कमाएका छन्। सबैभन्दा धेरै गुमाउनेमा भने कर्पोरेट डेभलपमेन्ट बैंक लिमिटेडका लगानीकर्ता छन्। कर्पोरेटका लगानीकर्ताले ३.७३ प्रतिशतका दरले गुमाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माइती नेपाललाई एक करोड रुपैयाँ दिने प्रधानमन्त्री ओलीको घोषणा

नेपाली र भारतीय सेनाको संयुक्त अभ्यास सूर्यकिरण सम्पन्न

जापानमा ६.८ म्याग्निच्युडको भूकम्पपछि सुनामीको चेतावनी