पुलिस र आर्मीको बराबरी हुँदा एपिएफले जित्यो लिग

फुटबल

नेपाल लाइभ बुधबार, फागुन ५, २०७७ १४:०६

काठमाडौं- राष्ट्रिय महिला लिग फुटबलको उपाधि दुई खेलअघि नै सशस्त्र प्रहरीको एपिएफ क्लबले जितेको छ। लिगमा बुधबार नेपाल पुलिस क्लब र त्रिभुवन आर्मी क्लबबीचको खेल १-१ को बराबरीमा सकिएसँगै एपिएफ लिग विजेता बनेको हो।

एपिएफको १० खेलमा ३० अंक रहेको छ। आर्मीको ११ खेलमा २६ अंक रहेको छ। त्यसैले बाँकी खेलअघि एपिएफ विजेता पक्का भएको हो। तेस्रो स्थानमा रहेको विराटनगरको ११ खेलमा १६ अंक रहेको छ। पुलिस क्लबको ११ खेलमा १५ अंक रहेको छ। वालिङको ११ खेलमा १४ अंक रहेको छ। चन्द्रपुरको ११ खेलमा ९ अंक छ। चौदण्डीगढले कुनै अंक जोड्न सकेको छैन।

बुधबार एन्फा कम्प्लेक्सको मैदानमा भएको खेलमा १७औँ मिनेटमा नै पुनम जर्घा मगरको आत्मघाती गोलमा पुलिस क्लबले अग्रता बनाएको थियो। खेलको ५३औँ मिनेटमा रश्मी घिसिङको गोलमा आर्मी क्लबले बराबरी गरेको हो। त्यसपछि पनि प्रतिस्पर्धात्मक बनेको खेलमा थप गोल हुन सकेन। ८७औँ मिनेटमा पाएको पेनाल्टीको समेत पुलिस क्लबले उपयोग गर्न सकेन।

प्रतियोगितामा अब चार खेल बाँकी छन्। बुधबार दिउँसो नै एपिएफले विराटनगर नगरपालिकाविरुद्ध खेल्दैछ। बिहीबार वालिङ नगरपालिका र चन्द्रपुर नगरपालिकाबीच खेल हुनेछ। यस्तै,अन्तिम दिन शुक्रबार दुई खेल हुनेछन्। जसमा एन्फा कम्प्लेक्सको मैदानमा बिहान १० बजे चौदण्डीगढी र नेपाल पुलिस क्लब साथै दिउँसो २ बजे दशरथ रंगशालामा एपिएफ र त्रिभुवन आर्मी क्लब खेल्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ

लामिछानेसहित १० जनाविरूद्ध चितवन जिल्ला अदालतबाट पक्राउ पुर्जी जारी