काठमाडौं- महान्यायाधिवक्ता अग्नि खरेलले सर्वोच्च अदालतको संवैधानिक इजलासमा प्रधानन्यायाधीश चोलेन्द्र शमशेर जबरा र न्यायाधीशहरूको प्रश्न सामना गरिरहेका छन्।
महान्यायाधिवक्ता खरेलले प्रतिनिधि सभा विघटनलाई प्रधानमन्त्रीको क्षेत्राधिकार रहेको उल्लेख गरेपछि प्रधानन्यायाधीश जबराले उनलाई प्रश्न गरेका थिए। विघटनलाई दलले अस्वीकार गरेकोप्रति जबराले महान्यायाधिवक्तालाई प्रश्न गरे। प्रधानन्यायाधीशको जवाफमा खरेलले प्रधानमन्त्री केपी ओलीका पक्षमा केही नेता मात्रै नभएको दाबी गरे।
खरेललाई न्यायाधीश अनिलकुमार सिन्हाले पनि प्रश्न राखे। प्रधानमन्त्रीले अर्को सरकार बन्न नसक्ने आधार प्रतिनिधि सभामै राख्नुपर्ने होइन भनि उनले खरेललाई प्रश्न गरेका थिए।
खरेलले २०५२ सालको नजिर देखाउँदै संसद विघटनको बचाउ गर्न खोजे। न्यायाधीश सिन्हाले खरेललाई बिचमै रोक्दै भने, ‘२०५२ सालमा नजाऔं। यही कारण अस्थिरता भयो भनेर नै संविधानमा यो व्यवस्था राखिएको हैन र?’
प्रधानमन्त्री ओलीले पार्टी भित्रबाट सहयोग नभएकोले विघटन गर्नुपरेको अभिव्यक्तिलाई खरेलले इजलासमा दोहोर्याए। उनले भने, ‘जनताको मत लिनुपरेकाले विघटन गर्नुपरेको भन्नुभएको छ। विघटनलाई मेरो बाध्यता पनि भन्नुभएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768660147.png)
-1764146706.png)
-1768395492.png)
