काठमाडौं- भारतीय वेब सिरिज ताण्डव झनै बिरोधमा फसिरहेको छ। यसको बिरोध त्यहाँको सर्वाेच्च अदालतसम्म पनि पुगिसकेको छ। भारतका धेरैजसो राज्यमा वेब सिरिज ताण्डव बनाउनेहरुको बिरुद्धमा एफआइआर दर्ता भइरहेका छन्।
जसले गर्दा वेब सिरिज प्रदर्शन गरिरहेको डिजिटल प्ल्याटफर्म इण्डिया ओरजिनल कन्टेन्ट (अमेजन) का प्रमुख अर्पणा पुरोहित, सिरिजका निर्माता हिमांशु कृष्ण मेहर र कलाकार जिशान आयुवसहितको टोलीले सर्वाेच्च अदालतमा याचिका दर्ता गराएका छन्।
त्यसो त युपी प्रहरीको टोलीले एफआइआर दर्ता भएका ताण्डवका सदस्यसँग सोधपुछ गरिसकेको भारतीय सञ्चार माध्यमहरूले जनाएका छन्। सर्वाेच्च अदालतमा उनीहरुले सबैतिर दर्ता भएका एफआइआरलाई खारेज गर्न माग गरेका छन्। मागबारे अदालतले बुधबार अर्थात् २७ जनवरीमा सुनुवाइ गर्नेछ।
के हो ताण्डवले मच्चाएको ताण्डव ?
भनिन्छ, केही विषयको नकारात्मकता फैलाउनु, त्यसको राम्रो प्रचारप्रसार गर्नु पनि हो। भारत धार्मिक दंगा र धार्मिक राजनितीमा अगाडि छ। यही कुरालाई मध्यनजर गर्दै वेब सिरिज ताण्डवले जानीजानी हिन्दु धर्मलाई छोयो।
जोसँग जोडिएको संवादले ट्रेलरमा ठाउँ पाएको छ। संवादमा भनिएको छ, ‘हामी सबैको मनभित्र रिस हुन्छ, मेरो त नामै शिव हो। त्यही भएर रिस झनै धेरै छ।’
यही दश सेकेण्डको भिडियोलाई लिएर शिव सेनादेखि हिन्दु धर्मालम्बीहरूले बिरोध जनाएका हुन्। सिरिजमा सैफ अलि खान, गौधर खान, सुनिल ग्वभर, लगायतको अभिनय छ।
प्रधानमन्त्रीको कुर्सीमा परेको लडाइँमा अधारित सिरिजको नौ भाग छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1766648928.png)
