२४ सय नाघ्यो नेप्से : ९ अर्ब ३७ करोडको कारोबार

बैंक/बिमा/सेयर

नेपाल लाइभ आइतबार, माघ ११, २०७७ १५:२५

काठमाडौं- नेपाल स्टक एक्सचेन्ज (नेप्से) परिसूचक २४ सय अंक नाघेको छ। आइतबार परिसूचकमा ५०.२० अंकको वृद्धि भएर २४२४.८४ अंक कायम भएको हो।

आइतबार २०७ वटा कम्पनीको १ करोड ९३ लाख ७९ हजार कित्ता सेयर ७९ हजार ४ सय ९८ पटक खरिद-बिक्री हुँदा ९ अर्ब ३७ करोड ६० लाख ५३ हजार रुपैयाँ बराबरको कारोबार भएको छ।

आइतबार व्यापार समूहको उपसूचक ७३.३५ अंकले घटेको छ भने बाँकी सबै समूहको उपसूचक हरियो देखिएको छ। सबैभन्दा धेरै निर्जीवन बीमा समूहको उपसूचक २२१.६१ अंकले बढेको छ।

आज बैंकिङ समूह २१.३६ अंकले, होटल समूह २४.५१ अंकले, विकास बैंक समूह २०.८१ अंकले, जलविद्युत समूह ५१.१३ अंकले र वित्त समूह १४.१५ अंकले बढेको छ।

त्यस्तै, उत्पादन समूह ५१.५६, लघुवित्त १६५.६८ अंक र अन्य समूह १०४.७५ अंकले बढेको छ। आइतबार कारोबार रकमका आधारमा सबैभन्दा धेरै नेपाल लाइफ इन्स्योरेन्स कम्पनीको ६६ करोड ८२ लाख ७३ हजार रुपैयाँको कारोबार भएको छ।

कारोबार भएका सेयर संख्याका आधारमा भने हाइड्रो इलेक्ट्रिसिटी इन्भेस्टमेन्ट एन्ड डेभलपमेन्ट लिमिटेडको ५ लाख ५१ हजार २ सय ८६ कित्ता सेयर खरिद-बिक्री भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिनको रिहाइबारे कतारका विदेश राज्यमन्त्रीसँग परराष्ट्रमन्त्री राणाको फोनवार्ता

गाजा वार्ताको ‘अन्तिम चरण’ मङ्गलबार कतारमा सुरु हुने

संसदमा विचाराधीन विधेयक फिर्ता लिएर अध्यादेशमार्फत ‘बजेट क्यालेण्डर’ संशोधन