एजेन्सी–भारत र चीनबीच दुई महिनादेखि चलेको ‘उच्चस्तरीय सैन्य संवाद’ को नवौं कमान्डरस्तरीय वार्ता आइतबार हुँदैछ।
पूर्वीलद्दाखमा जारी नौ महिनादेखिको तनाव समाधान यो बैठकको लक्ष्य भएको बताइएको छ। विगतमा जस्तै यो बैठकमा पनि विदेश मन्त्रालयका प्रतिनिधि सहभागी हुने जनाइएको छ। यो बैठक भारतको चुशूल सेक्टरअगाडिको चीनतर्फको मोल्डोमा हुने छ।
यसअघि गत नोभेम्बर ६ मा दुवै पक्षबीच बैठक भएको थियो, जसमा भारतले चिनियाँ सैनिक हट्नुपर्ने माग राखेको थियो। यो विषयमा आजको बैठकमा लिखित सहमति हुने बताइएको छ।
१८ डिसेम्बर २०२०मा विदेश मन्त्रालयस्तरीय वार्तामा दुई देशले वास्तविक नियन्त्रण रेखाका साथै सबै तनावग्रस्त क्षेत्रहरुवाट सैनिक फिर्ता गर्ने सुनिश्चितताका लागि काम अघि बढाउने सहमति गरेका थिए। हालैमात्र भारतीय रक्षामन्त्री राजनाथ सिंहले एक अन्तर्वार्तामा चीनले आफ्नो सैनिक नहटाउँदासम्म आफ्नो सैनिक पनि नहट्ने बताएका थिए।
१५ जुन २०२०मा गलवान उपत्यकामा दुई देशका सैनिकबीच हिंसात्मक झडप भएको थियो। उक्त घटनामा २० भारतीय सैनिक मारिएका थिए। चीनले आफ्नोतर्फ भएको हताहतिबारे भने अहिलेसम्म सार्वजनिक गरेको छैन। यो घटनापछि दुई देशबीच लगातार तनाव बढिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
