काठमाडौं- बजाज अटो लिमिटेड विश्वकै मूल्यवान दुईपांग्रे कम्पनी बनेको छ। बजाज अटोको बजार पुँजीकरण १.६ लाख करोड भारु रहेको छ। बजाज अटो लिमिटेडको शेयर मूल्य बुधबार एनएसईमा प्रतिसेयर ५५६६.४ रुपैयाँ पुगेर बजार पुँजीकरण १ लाख ६१ हजार ७३.२१ करोडमा समेटिएको थियो।
बजाज अटोले संचालनको ७५औं वर्षमा यो ऐतिहासिक माइलस्टोन कायम गरेको छ। विश्लेषकहरूका अनुसार योभन्दा अगाडि विश्वमा कुनै पनि अन्तर्राष्ट्रिय दुईपाङ्ग्रे सवारी कम्पनीले १.६ लाख करोडभन्दा बढीको बजार पुँजीकरण हासिल गर्न सकेका छैनन्।
बजाज अटोको यात्रा भारतमा ७५ वर्ष पहिले सुरू भएको थियो। बजाजका पल्सार, बक्सर, प्लेटिना र आरईजस्ता ब्राण्डहरू विश्वका ७० भन्दा बढी देशहरूमा बिक्री भइरहेका छन्। यस वर्ष थाइल्यान्डमा प्रवेश गरिसकेको र अर्को वर्ष ब्राजिलमा जाने योजना बनाएको कम्पनीले जनाएको छ।
बजाज अटोको अस्ट्रियाको केटिएम एजीसँग साझेदारी छ। यस साझेदारीले केटिएमलाई प्रिमियम स्पोर्ट मोटरसाइकलको सबैभन्दा ठूलो निर्माता बन्न मद्दत गरेको छ। आइकोनिक केटिएम र हुस्कर्वना दायराका धेरै मोडलहरू बजाज र केटिएमले संयुक्त रूपमा डिजाइन गरेका छन्।
अमेरिका र जापान जस्ता विकसित देशलगायत विश्व बजारमा निर्यातका लागि भारतमा निर्मित छन्।
बजाज अटोका प्रबन्ध निर्देशक राजीव बजाजले मोटरसाइकल वर्गमा कम्पनीको विशेष ध्यान र विभेदको रणनीतिप्रति अटल प्रतिबद्धता र टिपिएमको अभ्यासले विश्वव्यापी महत्वाकांक्षासँग मिलेर बजाजलाई विश्वभरको मूल्यवान दुईपाङ्ग्रे सवारी कम्पनी बनाएको बताए।
बजाज अटो बजाज समूहको फ्ल्यागसीप कम्पनी हो। बजाज समूह भारतमा शीर्ष १० व्यापार घरानाहरुमध्ये एक हो। सन् १९२६ मा भारतमा स्वतन्त्रताको लागि आन्दोलनको चरम सीमामा स्थापित यो समूहको उत्कृष्ट इतिहास छ। बजाज अटो मोटरसाइकलको लागि विश्वको तेस्रो ठूलो निर्माता र तीन पाङ्ग्रे सवारीको सबैभन्दा ठूलो निर्माता हो।
बजाज अटो भारतको नम्बर १ मोटरसाइकल र तीन पाङ्ग्रे निर्यातकर्ता हो। भारतबाट निर्यात हुने तीनमध्ये दुई मोटरसाइकल र तीन पाङ्ग्रे बजाजले बनाएको पाइएको छ। ७० भन्दा बढी देशहरूमा १५ मिलियनभन्दा बढी मोटरसाइकलहरू बिक्री भएसँगै बजाज अटोले भारत सरकारको ‘मेक इन इन्डिया’ दर्शनको लागि उल्लेखनीय बेन्चमार्क कायम गरेको कम्पनी दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
