काठमाडौं- नेपालका लागि सुजुकी कारको आधिकारिक बिक्रेता सिजी मोटोकर्पले सुजुकी डिजायरको नयाँ भेरियन्ट सार्वजनिक गरेको छ। २०२१ डिजायरमा नयाँ बम्पर र ग्रिल डिजाइनसहितको बोल्ड र स्टाइलिस फ्रन्ट फेसिया र आधुनिक वुड फिनिस इन्टेरियर छ।
सुजुकी डिजायरको पहिलो पुस्ता एक दशकअघि नेपाली बजारमा ल्याइएको थियो। बेस्ट इनक्लास फिचर र कम्फर्टले गर्दा नेपालमा यो सबैभन्दा बढी मन पराइएको कार बन्न सफल भएको कम्पनीको दाबी छ।
सन् २०२१ डिजायरमा सेग्मेन्टमै पहिलो आइडल स्टार्ट–स्टप टेक्नोलोजी (आइएसएस) भएको नेक्स्ट जेन के सिरिज इन्जिन, नयाँ इन्टेरियर र एड्भान्स्ड फिचरसहितको कार भएको सिजी मोटोकर्पका कार्यकारी निर्देशक करण चौधरीले बताए।
‘नेपाली ग्राहकले खोजेजस्तो स्टेट अफ आर्ट डिजाइन र अत्याधुनिक प्रविधि भएकोले हामीलाई विश्वास छ नयाँ डिजायरबाट ग्राहक हरेक हिसाबले सन्तुष्ट हुनुहुनेछ,’ उनले भने।
अत्याधुनिक शक्तिशाली इन्जिन
२०२१ डिजायरमा आइएसएस फङसनसहितको नेक्स्ट जेन के सिरिज डुअल जेट, डुअल भिभिटी बिएस-६ इन्जिन राखिएको छ। उच्च कम्प्रेसन रेसियो, कुल्ड इजिआर सिस्टम र पिस्टन कुलिङ जेट भएको नयाँ इन्जिन पहिलेको भन्दा परिष्कृत भएको कम्पनीले जनाएको छ। यो कारमा इन्जिनको कार्यक्षमता बढाउनुका साथै घर्षणलाई कम गर्ने बताइएको छ। यो कारको माइलेज २३.२६ किलोमिटर प्रतिलिटर रहेको छ। यो इन्जिनले ६ हजार आरपिएममा अधिकतम ६६ किलोवाट पावर उत्पन्न गर्छ।
बोल्ड र मोर्डन एक्सटेरियर
२०२१ डिजायरको फ्रन्ट फेसियालाई परिस्कृत गरी बोल्ड र स्टाइलिस बनाइएको कम्पनीको भनाइ छ। तल्लो बम्परमा प्रयोग भएको प्रिमियम सिंगल एपेर्चल फ्रन्ट ग्रिल र बोल्ड क्रोम एक्सेन्टले नयाँ डियाजरको रोड प्रेजेन्सलाई दमदार बनाइदिएको बताइएको छ।
प्रिमियम र स्टाइलिस इन्टेरियर
२०२१ डिजायरमा ट्विन पड मिटर क्लस्टर र नयाँ १०.६७ सेन्टिमिटरको मल्टि इन्फर्मेसन टिएफटी डिस्प्ले प्रयोग गरिएको छ। यसमा प्रयोग भएको मोर्डन वुडन फिनिसले कारको डोर र इन्स्ट्रयुमेन्ट प्यानललाई नेचुरल ग्लस फिनिस दिएको बताइएको छ। नयाँ डुअल टोन सिटले क्याबिनको आकर्षणलाई बढाएको छ। १७.७८ सेन्टिमिटरको स्मार्टप्ले स्टुडियो टच इन्फोटेन्मेन्ट सिस्टमले गज्जबको ड्राइभिङ एक्सपिरियन्स दिलाउँछ।
सुपेरियर सेफ्टी
नयाँ डिजायरमा पर्याप्त स्पेस र उत्कृट सुरक्षा व्यवस्था रहेको छ। एजिएस भेरिएन्टमा इलेक्ट्रोनिक स्ट्याबिलिटी प्रोग्राम र हिलहोल्ड फङसन रहेको छ जसले गाडीबाट चिप्लनबाट बचाउनुका साथै उकालोमा रोकिनु परेको अवस्थामा सहज रुपमा गाडीलाई पिक लिन मद्दत गर्छ।
यसमा फ्रन्ट र रियर दुवै ब्रेक ठूलो आकारको रहेको छ जसले गर्दा ब्रेकिङ सजिलो बनाउनुका साथै ब्रेकको आयु पनि बढाउँछ। साथै, नयाँ डिजायरको सबै भेरियन्टमा डुअल एअर ब्याग, प्रिटेन्सनर फोर्स लिमिटर सिट बेल्ड, चाइल्ड सिट रिस्ट्रेन सिस्टम र इबिडीसहितको एबिएस रहेको छ।
हार्टटेक्ट प्ल्याटफर्मको पाचौँ पुस्तामा तयार गरिएको नयाँ २०२१ डिजायर फ्रन्टर अफसेट, साइड इम्प्याक्ट र पेडेस्ट्रिय रेगुलेसनमा आधारित छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।