काठमाडौं–एनसेल आजियाटा लिमिटेडले सानादेखि ठूला सबै प्रकारका उद्योग, प्रतिष्ठान र कार्यालयहरुलाई लक्षित गर्दै आवश्यकता अनुसारको सम्पूर्ण सेवा प्रवाह गर्न ‘बिजप्लस’ योजना सञ्चालनमा ल्याएको छ।
एनसेलले हाल सञ्चालनमा रहेको आफ्नो ‘फास्ट फरवार्ड लाइफ अभियान’ अन्तर्गत नयाँ बिजप्लस प्लान ल्याएको हो। आफ्नो पुरानो बिज प्लानलाई परिमार्जित गर्दै सुलभ दरमा अझ थप सेवा सुविधाका साथ ग्राहकका आवश्यकताबमोजिम सेवा प्रवाह गर्न ‘बिजप्लस प्लान’ ल्याउन पाएकोमा कम्पनीले खुसी व्यक्त गरेको छ। भ्वाइस, डेटा, एसएमएसका साथै उपयोगी डिजिटल सेवाहरु समावेश गरिएका यी प्लानहरुले उद्यमी, व्यावसायीहरुलाई नव सामान्यीकरण आत्मसाथ गर्दै छिटो अगाडि बढ्न प्रेरित गर्ने एनसेलले जनाएको छ।
यो योजना अनुसार साना तथा मझौला उद्योग र सरकारी कार्यालय तथा निकायहरुले ३० दिनका लागि करबाहेक रु १४९ बाट सुरु हुने ‘बिजप्लस प्लान’ लिन सक्छन् भने ठूला उद्योग तथा कर्पोरेटले मासिक कर बाहेक रु २९९ बाट सुरु हुने योजनाहरु सुरु गर्न सक्छन्।
ग्राहकले एनसेल नेटवर्कभित्र बिजनेस आवरमा निःशुल्क भ्वाइस तथा एसएमएस गर्न, एफएनएफ अर्थात् परिवार तथा साथीभाइका कुनै दुई वटा निश्चित नम्बरमा अनलिमिटेड कल गर्न र मासिक रेन्टल शुल्क तिर्न नसकेमा पनि सेवा रद्द नहुने जस्ता आकर्षक सुविधाहरु पाउँछन्। यसका साथै बिजप्लान प्लस प्रयोग गर्ने ग्राहकले विभिन्न डिजिटल सेवाहरु, डाक्टरसँग परामर्श, कर्पोरेट युजर ग्रुपमा निःशुल्क कल तथा एसएमएस, मोबाइल सेक्युरिटीलगायत थप आकर्षक सेवाहरुको फाइदा लिन सक्न्छन् ।
साना तथा मझौला उद्योगीले आफ्नो आवश्यकता अनुसार ३० दिनको १४९ वा १९९ रुपैयाँ शुल्क लाग्ने प्लानहरु सुरु गर्न सक्छन्। कर्पोरेट ग्राहकले २९९ देखि १,४९९ रुपैयाँसम्मका ६ वटा बिजप्लानमध्ये कुनै पनि प्लान सुरु गर्न सक्छन्। त्यस्तै सरकारी कार्यालयका ग्राहकले १४९ देखि ४९९ रुपैयाँसम्मका ४ वटा प्लानमध्ये आफ्नो आवश्यकता अनुसार कुनै पनि प्लान सुरु गर्न सक्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772726043.png)
-1764146706.png)
