फाइल तस्बिर
काठमाडौं- संविधानसभा अध्यक्ष तथा नेकपा ओली समूहका नेता सुवास नेम्वाङले वर्तमान सरकार कामचलाउ नभएको बताएका छन्। सरकारले सबै कामकुरा गर्न पाउने बताउँदै उनले भने, 'यो सरकारले सबै काम गर्न पाउँछ। जुन दिनसम्म निर्वाचन आयोगले आचारसंहिता घोषणा गर्दैन, त्यो दिनसम्म पूरापूर काम गर्न पाउँछ।'
राजधानीमा आयोजित ओली पक्षीय नेकपाको प्रदेश १ स्तरीय कार्यकर्ता भेलामा बोल्दै नेम्वाङले प्रधानमन्त्री केपी शर्मा ओलीको सरकार बाहिर भनिएजस्तो कामचलाउ नभएकोमा उनले आफ्नै तर्क दिएका छन्।
'प्रतिनिधिसभा विघटन भएपछि राष्ट्रपतिले किन सरकारलाई कामचलाउ घोषणा गर्नुभएन? यस्तो भनेको सुन्छु। प्रम ओलीले प्रतिनिधि विघटन गर्नुभएको छ। कसरी पुनर्गठित गर्नुभयो? यस्ता प्रश्न उठाएको पाएँ। हाम्रो अहिले संविधानमा एउटा व्यवस्था छ। धारा ७७ मा कतिबेला प्रधानमन्त्रीको पद रिक्त हुन्छन् वा कामचलाउ भन्ने उल्लेख छ। त्यहाँ भनिएअनुसार केही भएको छैन। कसरी काम चलाउ?'
धारा ७७ मा प्रधानमन्त्रीको पद रिक्त हुने अवस्थाबारे उल्लेख छ। प्रधानमन्त्रीको पद रिक्त हुने अवस्थाबारे त्यहाँ लेखिएको छ, 'निजले राष्ट्रपति समक्ष लिखित राजीनामा दिएमा, धारा १०० बमोजिम विश्वासको प्रस्ताव पारित हुन नसकेमा वा निजको विरुद्ध अविश्वासको प्रस्ताव पारित भएमा, निज प्रतिनिधि सभाको सदस्य नरहेमा र निजको मृत्यु भएमा।' अहिले यस्तो कुनै अवस्था नरहेको नेम्वाङको भनाइ छ।
त्यसैगरी धारा ७७ को उपधारा ३ मा अर्को मन्त्रिपरिषद् गठन नभएसम्म सोही मन्त्रीपरिषद्ले काम गर्ने उल्लेख भएको उनले उल्लेख गरे। त्यहाँ उल्लेख छ, 'उपधारा (१) बमोजिम प्रधानमन्त्रीको पद रिक्त भएमा अर्को मन्त्रिपरिषद गठन नभएसम्म सोही मन्त्रिपरिषदले कार्य सञ्चालन गर्नेछ। तर प्रधानमन्त्रीको मृत्यु भएमा अर्को प्रधानमन्त्री नियुक्ति नभएसम्मकालागि वरिष्ठतम मन्त्रीले प्रधानमन्त्रीको रूपमा कार्य सञ्चालन गर्नेछ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
