सिङ्गटी हाइड्रोपावरले ४३ करोड ५० लाख रुपैयाँको आइपिओ निष्काशन अनुमति पायो

बैंक/बिमा/सेयर

नेपाल लाइभ बुधबार, पुस २२, २०७७ १५:४३

काठमाडौं- सिङ्गटी हाइड्रोपावर कम्पनीले ४३ करोड ५० लाख रुपैयाँको प्राथमिक शेयर निष्काश अनुमति पाएको छ। नेपाल धितोपत्र बोर्डले कम्पनीलाई आयोजना प्रभावित क्षेत्रका बासिन्दा र सर्वसाधारणका लागि प्राथमिक शेयर निष्काशन गर्ने अनुमति प्रदान गरेको हो।

कम्पनीले दोलखा जिल्लामा २५ मेगावाट क्षमताका जलविद्युत आयोजना निर्णमा गरेको छ। पहिलो चरणमा प्रभावित क्षेत्रका लागि प्राथमिक शेयर निष्काशन गरेपछि सर्वसाधारणका लागि जारी गर्नेछ।

कम्पनीको शेयर पुँजी संस्थापकको ७० प्रतिशत र सर्वसाधारण समुहको ३० प्रतिशत रहनेछ। सर्वसाधारण तर्फको शेयर निष्काशनपछि कम्पनीको पुँजी एक अर्ब ४५ करोड रुपैयाँ पुग्नेछ। प्राथमिक शेयर निष्काशन तथा बिक्री प्रबन्धकमा मेगा क्यापिटल मार्केट्स रहेको छ।

आयोजनाको जम्मा लागत ४ अर्ब ७५ करोड रुपैयाँ लाग्ने अनुमान गरिएको छ। प्रतिमेगावाट लागत भने १९ करोड रुपैयाँ हुन आउँछ। कम्पनीले सुरुवातमा १६ मेगावाटको आयोजना निर्माण गर्ने गरी डिजाइन तयार पारेकोमा पछिल्लो समय क्षमता बढाएर २५ मेगावाट पुर्‍याएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

घुम्नैपर्ने एक सय गन्तव्यमध्येको मुन्दुम पदमार्ग प्रवर्द्धन गर्न महोत्सव

सिंहदरबारमा विपक्षी दलहरूको बैठक जारी

दक्षिण कोरियाका राष्ट्रपति यून पक्राउ