सुवास नेम्वाङको निरीहता देख्दा दया लागेको छ : गगन थापा

राजनीति

नेपाल लाइभ बुधबार, पुस २२, २०७७ ०९:०६

काठमाडौं- नेपाली कांग्रेसका केन्द्रीय सदस्य गगन थापाले संविधानसभाका अध्यक्ष सुवास नेम्वाङको निरीहता देख्दा आफूलाई दया लागेको बताएका छन्।

नेम्वाङले अदालतमै उभिएर ‘'श्रीमान् प्रधानमन्त्रीले गर्नुभएको प्रतिनिधिसभा विघटन असंवैधानिक हो, मेरो नेतृत्वमा बनाएको संविधानमा यस्तो प्रावधान लेखिएकै छैन र विधायिकी मनसाय यस्तो हुँदै होइन' भनेर सन्दर्भसहित जमेर बहस गर्नुहुनेछ आफ्नो अपेक्षा रहेको भए पनि त्यस्तो हुन नसकेको थापाले सामाजिक सञ्जालमा लेखेका छन्।

‘अपसोच उहाँ त कसैले केही सोध्लान् कि भनेर लुकेर बस्नुभएको छ, प्रश्नबाट भाग्नुभएको छ। आफैंले बनाएको संविधानमा 'कू' हुँदैगर्दा त्यसविरुद्ध चुइँक्क बोल्न नसक्ने मेरो अध्यक्षको यो तहको 'निरीहता' देख्दा दया लागेको छ’,थापाले लेखेका छन्।

संविधान बनाएको संविधान सभाको नेताले त संविधानको पक्षमा उभिने साहस गर्न नसके पनि संविधानको व्याख्या गर्ने जिम्मेवारी पाएको सम्मानित सर्वोच्च अदालतले संविधानको पक्षमा उभिने साहस राख्ने विश्वास थापाको छ।

प्रतिनिधिसभा विघटनको संवैधानिक प्रश्नमा आजबाट सर्वोच्च अदालतमा बहस शुरु हुँदैछ।म यतिवेला संविधानसभा अध्यक्ष सुवासचन्द्र...
Posted by Gagan Thapa on Tuesday, January 5, 2021

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चिकित्सक संघद्वारा थप आन्दोलनको घोषणा

शिक्षक आन्दोलन : तीन दिनभित्र शिक्षकका जायज माग पूरा गरी विद्यालय फर्काउने वातावरण सुनिश्चित गर्न सर्वोच्चको आदेश

रुकुम पूर्व केन्द्रविन्दु भएर भूकम्प