नवीकरण फेल भएका प्राइभेट फर्म पुनः सञ्चालन हुन पाउने

अर्थ समाचार

नेपाल लाइभ आइतबार, पुस १९, २०७७ १८:४६

काठमाडौं- नवीकरण फेल भएका निजी कम्पनी पुनः संचालन हुन पाउने भएका छन्। सरकारले प्राइभेट फर्म रजिस्ट्रेसन नियमावली, २०३४ को तेह्रौं संशोधनमार्फत् नवीकरण फेल भएका प्राइभेट फर्महरु पुनः सञ्चालन हुन पाउने गरी बाटो खोलिदिएको हो।

मन्त्रिपरिषदको पुष १० गतेको निर्णयअनुसार नवीकरण छुटेका प्राइभेट फर्महरुलाई नवीकरण गरी व्यवसाय संचालन गर्न दिइने भएको हो। ‘मन्त्रिपरिषदको निर्णयसँगै नवीकरण गर्न छुटेका सबै निजी फर्महरुलाई २०७८ असार मसान्तसम्म आवश्यक कागजातसहित नवीकरण गर्न निवेदन दिन सक्ने अवसर दिइएको छ,’ वाणिज्य, आपूर्ति तथा उपभोक्ता संरक्षण विभागका प्रवक्ता शिवराज सेढाईंले भने।

प्राइभेट फर्म रजिस्ट्रेसन ऐन, २०१४ अनुसार वाणिज्य, आपूर्ति तथा उपभोक्ता संरक्षण विभागमा करिब ५ लाख फर्महरु दर्ता भएका छन्। तर आधा फर्महरुले मात्रै समयमा आफ्नो फर्म नवीकरण गर्ने गरेको सेढाईंको भनाइ छ।

‘दर्ता भएका प्राईभेट फर्महरुको आधा बराबर मात्रै नवीकरण भएका छन्। अहिले सरकारले विभिन्न कारणले नवीकरण फेल भएका प्राइभेट फर्महरुलाई नवीकरण गर्ने अवसर दिएर सञ्चालन गर्न सहज गरिदिएको हो,’ उनले भने।

सरकारको निर्णयअनुसार साविकको नियमित नवीकरण गर्दा लाग्ने शुल्कमा २० लाख अधिकृत पुँजीभन्दा कम भएका फर्महरुका लागि वार्षिक २ हजारका दरले र २० लाख भन्दा बढी पूँजी भएका फर्महरुका लागि वार्षिक ५ हजारका दरले थप नवीकरण शुल्क छ।

दर्ता नगरी व्यवसायिक प्रकृतिका निजी व्यवसाय (प्राइभेट फर्म)हरु सञ्चालन गर्न नपाइने कानुनी व्यवस्था रहेको छ। साथै दर्ता भएपश्चात तोकिएको समयावधि भित्र समय समयमा नवीकरण समेत गराउनु पर्ने हुन्छ। अन्यथा त्यस्ता फर्महरु कारोबार निरन्तरताका लागि वैधानिक मानिँदैनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जहाँ बेलाउँछौ त्यहीँ आउँछु, म थुनिएर आन्दोलन रोकिँदैन : दुर्गा प्रसाईं

त्रिभुवन विमानस्थलमा हवाई उडान सुचारु

रास्वपा प्रमुख सचेतक परियारको राजावादीले जलाए गाडी