काठमाडौं- प्रमुख प्रतिपक्ष नेपाली कांग्रेसका नेता जितेन्द्र नारायाण देवले संसदमा बोल्दै प्रधानमन्त्री केपी शर्मा ओलीमा शक्तिको भोक देखिएको आरोप लगाएका छन्। उनले यही कारण उनी अधिनायकवादतिर अग्रसर भएको आरोप उनले लगाएका छन्।
‘शक्तिको भोक प्रधानमन्त्रीलाई लागेको छ। राजश्व अनुसन्धान विभाग, सम्पत्ति शुद्धीकरण विभाग लगायत किन लगियो,’ उनले भने, ‘बुढो मर्यो होइन, काल पल्केको चिन्ता हो। अहिलेको प्रधानमन्त्रीमा शक्ति केन्द्रीकृत गर्ने भोक रहेको छ। अधिनायकवादको चिन्तनतिर जाने देखिएको छ। साँच्चै प्रजातान्त्रिक प्रधानमन्त्री यस्तै हुन्छ।’
निर्वाचन हुने ग्यारेन्टी के?
प्रतिपक्ष नेपाली कांग्रेसका सांसद देवले निर्वाचन कसरी गर्ने र कोभिडको अवस्थामा कसरी हुन्छ भनी प्रश्न उठाएका छन्। ‘निर्वाचन हुन्छ भन्ने के ग्यारेन्टी छ। आर्थिक अवस्था के छ? कोभिडको अवस्था छ,’ उनले भने, ‘यस्तो अवस्थामा कसरी निर्वाचन हुन्छ र हाम्रो अर्थ व्यवस्थाले कसरी धान्छ। यहाँ पूर्व अर्थमन्त्रीले ७ प्रतिशत आर्थिक वृद्धि हुन्छ भन्नु भएको थियो र मैले त्यसो भएमा राजनीतिक छोड्दिन्छु भनेको थिए। अहिले विश्वकै आर्थिक अवस्था ऋणात्मक हुन्छ भनेका छन्।’
कम्युनिस्टको राष्ट्रवादमाथि प्रश्न
सांसद देवले कम्युनिस्टहरूले भन्दै आएको राष्ट्रवादमाथि प्रश्न उठेको बताए। ‘कम्युनिस्ट नेताहरुलाई भन्न चाहन्छु बारम्बार देशभक्त भन्नुहुन्छ,’ उनले भने, ‘अहिले दक्षिण र उत्तरको चलखेल फास्टट्रायकबाट काठमाडौँ आउने र जाने देखिएको छ यसले राष्ट्रियतालाई कति बलियो बनाएको छ?’
यो चलखेलले स्वनिर्णयलाई कति बलियो बनाउँछ यसको जवाफ दिनु पर्ने उनले बताए। ‘यसरी राष्ट्रिय अखण्डता बलियो हुँदैन। तराई र पहाडको एकताबाट हुन्छ। त्यो कुरा किन गर्नुहुन्न,’ उनले भने, ‘यो मेरो र मेरो पार्टी नेपाली कांग्रेसको को प्रश्न हो?’
६ महिनाको परिदृश्य हेर्दा नेपाली जनता चिन्तित अवस्थामा रहेको उनले बताए। ‘यति, ओम्नी समूहका भ्रष्टाचारका कुरा यी आदि ट्रान्परेन्सीको रिर्पाेटले नेपालको अनुहार बदनाम गरेको छ,’ उनले भने, ‘यसको अगुवाई सरकारले गरेका छ।’
संवैधानिक अध्यादेश संविधानको मर्म मिचेर ल्याइएको उनले टिप्पणी गरे। ‘संविधानमा संवैधानिक परिषदको प्रतिनिधित्वमा सभामुख, राष्ट्रियसभा अध्यक्ष, सभामुख, प्रधानमन्त्री कार्यकारी र न्यायालयको प्रतिनिधि प्रधानन्यायाधीश र विपक्षी दलको प्रतिनिधित्व भएर मात्र नियुक्त हुने भनेको हो,’ उनले भने, ‘कार्यकारीको पञ्जामा संवैधानिक निकायमा नजाओस् भनेर बनाइएको हो। कार्यकारीको छाया बनाउने गरी आएको यो कार्य गलत छ। संविधानको मर्म र भावना विपरीत छ।’
समृद्ध नेपाल र सुखी नेपाली यो कसलाई राम्रो लाग्दैन तर नारा मात्रै राम्रो काम दरिद्रको भएको उनले बताए। ‘कोरोनाको राहताको प्याकेज, एमसीसी र बिआरलाई अहिले अड्केका छन्,’ उनले भने, ‘अनि कसरी यो अवस्थामा अगाडि बढ्छ। अहिले आएका विधेयक केन्द्रीकृत मानसिकताका आएका छन्। संविधानसँग मेल नखाने संरचना मेल नखाने विधेयक आएका छन्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
