काठमाडौँ- नेकपा स्थायी कमिटी सदस्य एवम् लुम्बिनी प्रदेशका मुख्यमन्त्री शंकर पोखरेलले संसद् विघटनको निर्णय प्रधानमन्त्री केपी ओलीको बाध्यतात्मक कदम भएको टिप्पणी गरेका छन्। उनले ताजा जनादेशमा जानुपर्ने भन्दै प्रधानमन्त्रीले उक्त निर्णय लिएको समेत उल्लेख गरेका हुन्।
आइतबार सामाजिक सञ्जाल फेसबुकमा लेख्दै पोखरेलले दलबाहिरबाट अविश्वास प्रस्ताव दर्ताको चलखेल रोक्ने प्रयास असफल भएपछिको बाध्यामक कदमको रुपमा ताजा जनादेशमा जाने निर्णय भएको बताएका हुन्।
‘पार्टी एकताको मर्म विपरीतको समीकरण,पार्टी विधानको व्यवस्था विपरीत पहिलो वरीयताका अध्यक्ष तथा प्रधानमन्त्रीका विरुद्धको संगीन आरोपसहितको अर्का अध्यक्षको एकल प्रस्ताव र दलभन्दा बाहिरबाट अविश्वास प्रस्ताव दर्ताको चलखेल रोक्ने प्रयास असफल भएपछिको बाध्यात्मक कदमका रुपमा ताजा जनादेशमा जाने निर्णय आएको हो,’ पोखरेलले फेसबुकमा लेखेका छन्, ‘पुरानो जनादेशको सान्दर्भिकता स्थापित नभएको अवस्थामा नयाँ जनादेश खोजी लोकतन्त्रमा स्वभाविक मानिन्छ। चुनावले लोकतन्त्र सुरक्षित र सुदृढ हुन्छ।’
सडक आन्दोलनको बाटोले प्रतिकृयावादी र दक्षिणपंथीहरुलाई फाईदा पुर्याउने बताउँदै पोखरेलले गम्भीरसँगै जिम्मेवार बन्न आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
