काठमाडौं– चिनियाँ रक्षामन्त्री वेई फेङ्हे अर्को साता नेपाल आउने भएका छन्। काठमाडौंमा आयोजना हुने ‘युनान : सांग्रिला सांस्कृतिक आदानप्रदान कार्यक्रम’ को समापनका अवसरमा उनी नेपाल आउन लागेकाे अनुमान गरिएकाे छ। उनले मंसिर १४ मा नेपाल भ्रमण गर्ने तयारी गरेको बताइएको छ। तर नेपालस्थित चिनियाॅं दूतावासले यसबारे स्पष्ट रूपमा खुलाएकाे छैन।
नेपाल र चीनबीच कूटनीतिक सम्बन्ध स्थापना भएको ६५औं वर्षगाँठका अवसरमा नेपाल चाइना मिडिया फोरमले उक्त कार्यक्रम आयोजना गरेको हो।
नोभेम्बर २० देखि २६ तारिखसम्म हुने कार्यक्रमको शुक्रबार राष्ट्रियसभाका अध्यक्ष र संस्कृति, पर्यटन तथा नागरिक उडड्यनमन्त्री योगेश भट्टराईको उपस्थितिमा उद्घाटन गर्ने कार्यक्रम छ।
कार्यक्रममा महत्वपूर्ण तस्बिर, हस्तकला, साङ्ग्रिलाका आकर्षक विशेषता झल्काउने सामग्री आदिको प्रदर्शन गरिने जनाइएको छ।
यसैबीच भारतीय विदेश सचिव हर्षवर्द्धन श्रृंगलासमेत दुई दिनका लागि नेपाल भ्रमणमा आउॅंदै छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
