संसद् बैठक १५ मिनेटका लागि स्थगित

नेपाल लाइभ

नेपाल लाइभ आइतबार, वैशाख २३, २०७५ १०:५५

काठमाडौं– आजदेखि सुरु भएको संसदको बजेट अधिवेशन १५ मिनेटका लागि स्थगित भएको छ। आज ४ बजेका लागि बोलाइएको बैठक करिब २० मिनेट बसेर स्थगित भएको हो।

आजको बैठकले शिक्षामन्त्री गिरिराजमणि पोखरेलले 'राष्ट्रिय चिकित्सा शिक्षा अध्यादेश २०७५' प्रस्तुत गरेका थिए। त्यस्तै, कानुन तथा संसदीय मामिला मन्त्री शेरबहादुर तामाङले 'राष्ट्रियसभा सदस्य अध्यादेश' पेश गरेका थिए। त्यस्तै तामाङले नै, 'बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (पहिलो संशोधन) अध्यादेश २०७५' र 'संघीय संसदका महासचिव, प्रतिनिधिसभाका सचिवको पारिश्रमिक, सेवाको सर्त र सुविधा सम्बन्धी अध्यादेश, २०७५' प्रस्तुत गरेका थिए।

त्यस्तै, सभामुख र उपसभामुखको अनुपस्थितिमा सभाको सञ्चालनको लागि राधा ज्ञवालीलाई मनोनयन गरिएको छ।

बैठकले प्रतिनिधिसभा नियमावलीको मस्यौदा गर्न बनेको समितिको कार्यावधि पनि थप गरेको छ।

त्यस्तै, राष्ट्रियसभाको आज बसेको बैठकमा सो सभाको नियमावली मस्यौदा गर्न बनेको समितिको कार्यवधि पनि थप गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक