चाडबाडकै बीच झण्डै ८ हजार युवा विदेशिए

श्रम-रोजगार

नेपाल लाइभ मंगलबार, मंसिर २, २०७७ २१:३०

काठमाडौं– कोरोना महामारी तथा चाडबाडबीच पनि कात्तिक महिनामा मात्रै ७ हजार ७ सय ९७ युवाहरू विदेशिएका छन्। नयाँ तथा पुनः श्रम स्वीकृतिमार्फत ७ हजार ७ सय ९७ युवा विदेशीएका हुन्।

उनीहरु अफगानिस्तान, बहराइन, बेल्जियम, क्यानडा, चीन, साइप्रस, कतार, मलेसिया, साउदी, युएई लगायत ५३ वटा मुलुकमा रोजगारीको खोजिमा पुगेका हुन्।

कात्तिक महिनामा विदेशीनेमा सबैभन्दा बढी ३ हजार ९० युवाहरु कतार पुगेका छन् । कतारपछि साउदीमा २ हजार ३ सय ६२ पुगेका छन्। त्यस्तै युएईमा १ हजार १ सय ७४ युवाहरु पुगेका छन्। नेपाली श्रमिकहरुको प्रमुख गन्तव्य मुलुक मलेसियाका लागि श्रम स्वीकृति लिनेको संख्या भने निकै कम छ।

कात्तिक महिनामा १०९ जनाले मलेसियाका लागि श्रम स्वीकृति लिएका छन् । नयाँ श्रम स्वीकृति १ जनाले मात्रै लिएको वैदेशिक रोजगार विभागको तथ्यांकले देखाउँछ। कोरोनाका कारण मलेसियाले आगामी डिसेम्बरसम्म विदेशी कामदार नलिने घोषणा गरेका कारण नेपाली श्रमिकहरु नयाँ श्रम स्वीकृति लिएर मलेसिया जान पाएका छैनन्।

मलेसियाले विदेशी श्रमिकहरुका लागि बाटो खुल्ला गरेपछि मात्रे मागपत्र प्रमाणीकरणको काम हुने मलेसियाका लागि नेपाली राजदूत उदयराज पाण्डेले बताएका छन्। सामान्य अवस्थामा दैनिक १ हजारभन्दा बढी नेपाली श्रमिकहरु रोजगारीको खोजिमा विदेशिने गरेका थिए। कोरोना महामारीपछि कतिपय गन्तव्य मुलुकहरुमा रोजगारीको बाटो बन्द छ। जसकारण पनि उल्लेख्य संख्यामा नेपाली श्रमिकहरु वैदेशिक रोजगारीमा जान सकेका छैनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सपना देख्न सक्ने र त्यो सपना पूरा गर्न सक्ने जनशक्ति कर्णालीमा छ – मन्त्री यादव

गाडीको ठक्करबाट पैदलयात्रीको मृत्यु

बिहान ९ बजे देखि नै चर्कीदै शिक्षक आन्दोलन, दिउँसो राप्रपाको प्रदर्शन