बसुन्धरामा जिपको ठक्करबाट मोटरसाइकल चालकको मृत्यु, चालकसँग पेस्तोल भेटियो

नेपाल लाइभ

नेपाल लाइभ आइतबार, वैशाख २३, २०७५ ०३:४९

काठमाडौं -बसुन्धरामा जिपको ठक्करबाट मोटरसाइकल चालकको मृत्यु भएको छ। ठक्कर दिने जिप चालकको साथबाट पेस्तोल समेत बरामद भएपछि घटना रहस्यमय बनेको छ।

गएराती सवा ११ बजे बा ३ च १६५४ नम्बरको जिप र बा ४० प ५७ ७५ नम्बरको मोटरसाइकल आपसमा ठोकिंदा मोटरसाइकल चालक, स्याङजा पुतलीबजार ३ घर भई हाल काठमाडौं माछापोखरी बस्ने २६ बर्षीय सन्तोष नेपालीको मृत्यु भएको हो।

मोटरसाइकलमा पछाडी सवार २९ बर्षीय अर्जुन बोहोरा घाइते भएका छन् । गम्भिर घाइते भएका नेपालीको उपचारको क्रममा शिक्षण अस्पताल महाराजगंजमा राती साढे ११ बजे मृत्यु भएको थियो।
ठक्कर दिने जिप चेकजाँच गर्ने क्रममा लमजुङका सुमन थापा पक्राउ परेका छन्। थापा अपराधिक समूहमा हुनसक्ने भएकाले थप अनुसन्धान भइरहेको महानगरीय प्रहरी परिसर काठमाडौंका डिएसपी मोहन थापाले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक