विदेशमा बसीबसी नेपालका आफन्तलाई गिफ्ट पठाउन सकिने, ‘हाम्रो पात्रो’ले घरमै पुर्‍याइदिन्छ गिफ्ट

कर्पोरेट

नेपाल लाइभ बुधबार, कात्तिक २६, २०७७ १४:१४

काठमाडौं- हाम्रो पात्रो एपले हाम्रो गिफ्ट सेवा सुरु गरेको छ। नेपालका आफन्त तथा साथीभाइलाई विभिन्न उपहार सामग्री पठाउन सकिने गरी ‘हाम्रो गिफ्ट’ सेवा सुरु गरिएको हाम्रो पात्रोले जानकारी दिएको छ।

तिहारलाई लक्षित गर्दै कम्पनीले सेवा सुरु गरेको प्रिअर्डर लिन थालिसकेको छ। उपहार सामग्री र मिति चयन गरी प्रि-अर्डर गर्न सकिने कम्पनीले जनाएको छ। यसरी चयन गरिएको मितिमै गिफ्ट सम्बन्धित व्यक्तिलाई डेलिभर हुनेछ। कम्पनीले नोभेम्बर १६ सम्म २५ डलरभन्दा माथिको अर्डरमा डेलिभरी निःशुल्क गरेको उल्लेख गरेको छ।

भाई टीकाका लागि विशेष रुपमा भाइमसलाका तीन वटा कम्बो प्याक तयार पारिएका छन्। जसमा भ्यालु प्याक, स्ट्यान्डर्ड प्याक र प्रिमियम कम्बो प्याक रहेका छन्। यी भाइमसला हाम्रो गिफ्टमा गएर अर्डर गरेपछि आफूले दर्ता गराएको मितिमा नेपालका सम्बन्धित व्यक्तिलाई हाम्रो पात्रोका प्रतिनिधिले हस्तान्तरण गर्नेछन्।

हाललाई काठमाण्डौ उपत्यकाभित्रका तीनवटै जिल्लामा उपहार सामग्री पठाउन सकिने कम्पनीले जनाएको छ। विदेशमा रहेका व्यक्तिले इन्टरनेसनल कार्डबाट भुक्तानी गरी गिफ्टको अर्डर गर्न सक्छन्। यसरी प्राप्त अर्डर २४ घण्टाभित्र डेलिभरी दिइने हाम्रोपात्रोले जनाएको छ।

‘हाम्रो गिफ्ट’मा लक्ष्मीपूजाको लागि आवश्यक बत्ती, मूर्ति, दियो, फूलमाला आदि जस्ता उपहार सामग्रीहरु समावेश गरिएको छ।

लिक्वेर, विद्युतीय सामग्री, झिलिमिली बत्ती, मिठाई, केक, चकलेट, टेडी बियर, कार्ड, घडी, बडी स्प्रे तथा परफ्यूम, मोबाइल फोन, कपडा, होम अप्लायन्सेस, ड्राइ फ्रुट, फोटो फ्रेम, जुस लगायतका सामग्री समेत हाम्रोपात्रोबाट अर्डर गर्न सकिनेछ।

हाल वेबसाइटमा मात्र उपलब्ध यो सेवा चाँडै मोबाइल एपमा पनि लन्च गरिने कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान