काठमाडौं- विगत ४ दशकदेखि निरन्तर आयोजना गरिँदै आएको हाँस्य व्यांग्यात्मक कार्यक्रम 'आलु पार्टी' यो वर्ष कोभिड महामारीका कारण अनलाइन माध्यमबाट गरिने भएको छ। २०३४ सालदेखि तत्कालीन चर्चित हाँस्य व्यङ्ग्यकार रामकुमार पाँडे, वासुदेव लुइँटेल, टेकबहादुर मुखिया, दाताराम शर्मा, वासुदेव रिमाल 'यात्री' लगायतका साहित्यकारहरूको अगुवाइमा सुरु गरिएको यस कार्यक्रमलाई पहिलोपटक अनलाइन माध्यमबाट गरिन लागिएको हो।
आलुकै प्रतिमा बनाई प्रतिकात्मक रुपमा विभिन्न उपमा दिई आलुका परिकारसहित हाँस्य व्यङ्ग्यात्मक प्रस्तुतीहरूका साथ प्रत्येक वर्ष काग तिहारका दिन जावलाखेलस्थित पाँडे प्याराडाइजमा मानाइँदै आएको यस कार्यक्रमलाई यो वर्ष विभिन्न सामाजिक संजालबाट प्रत्यक्ष प्रशारण गरिने हुँदा संसारभर एकैसाथ हेर्न र सुन्न सकिने आयोजक संस्था हाँस्य व्यंग्य समाज नेपाल तथा नेपाल हाइकू केन्द्रका शिरोमणि दवाडीले जानकारी दिए।
कार्यक्रमको प्रस्तुतकर्ता हाँस्य व्यंग्य समाज नेपाल रहेको छ भने साहित्य संचार नेपाल, नेपाल हाइकू केन्द्र, आध्यात्मिक पत्रकार समाज ( आपस) ले सहकार्य गर्ने भएका छन्।
यस कार्यक्रमका संस्थापकमध्येका एक वरिष्ठ हाँस्य व्यंग्यकार राम कुमार पाँडेका अनुसार यसअघिका कार्यक्रममा प्रत्यक्ष उपस्थित हुने कलाकार र साहित्यकारको प्रस्तुती रहने गरेकोमा यस वर्ष अनलाइन ( जुम ) को माध्यमबाट संसारको कुनै पनि कुनाबाट सहभागी हुन इच्छुक प्रतिभाहरूले सहभागिता जनाउन सक्नेछन्।
विगतमा सहभागी हुँदै आएका कलाकारहरू शैलेन्द्र सिंखडा, दिपक राज गिरी, दिपाश्री निरौला, जितु नेपाल, दमन रुपाखेती, डम्बर घिमिरे, घनश्याम गौतम, टेक बहादुर कोइराला तथा साहित्यकारहरू प्रा. राम कुमार पाँडे, डा. बम बहादुर जिताली, हृदय प्रसाद मिश्र, बाशुदेव गुरागाइँ, मित्रबन्धु पौडेल तथा कार्टुनिष्ट अशोकमान, अमिन श्रेष्ठलगायत अन्य परिचित तथा नव प्रतिभाहरूको पनि प्रस्तुती रहने बताइएको छ।
कार्यक्रमले खित्का छोडेर हसाँउने मात्र नभई राजनीतिक तथा सामाजिक बेथितिमाथि प्रतिकात्मक व्यंग्य प्रहार गर्ने हुँदा यस ऐतिहासिक कार्यक्रमको गरिमा बढेको र यस वर्ष पनि अझ विशेष र पृथक रहने नेपाल हाइकु केन्द्रका उपाध्यक्ष मित्रबन्धु पौडेलले जानकारी दिए।
कार्यक्रम कार्तिक २८ गते, कागतिहारका दिन दिउँसो ३ बजे आयोजना हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
