लागुऔषधसहित सुनसरी र उदयपुरमा ६ जना पक्राउ

समाज

नेपाल लाइभ शनिबार, वैशाख २२, २०७५ ०३:५८

विराटनगर– सुनसरी र उदयपुरबाट प्रहरीले लागूऔषधसहित ६ जनालाई पक्राउ गरेको छ।

सुनसरीको धरान उप–महानगरपालिका–१९ स्थित धनकुटे रोडका ३७ वर्षीय मेदनी कुमार लिम्बु, ३४ वर्षीय प्रकाश लिम्बु, २५ वर्षीय सुरज राई र २८ वर्षीय हेमन्त राई पक्राउ परेका छन्।

पक्राउ परेका मेदीनीको कोठाबाट लागूऔषध, नगद तथा अन्य सामान बरामद भएको इलाका प्रहरी कर्यालय धरानले जनाएको छ।

लिम्बुले कोठाबाटै लागूऔषध बिक्री वितरण गर्ने गरेको सूचनाका आधारमा शुक्रबार राति १० बजे चेकजाँच गरी उनीहरुलाई पक्राउ गरिएको हो। कोठाबाट एभिल, डाईजोपाम, लुपिजैसिकलगायतका लागूऔषध, ५० हजार रुपैयाँ नगद तथा ल्यापटप, आईफोन र मोबाइल बरामद भएको प्रहरीले जनाएको छ।

यसैगरी, उदयपुरको त्रियुगा नगरपालिका–६, लालपत्ताबाट त्रियुगा नगरपालिका–१० का विवेक पौडेल र सुजल राउतलाई पक्राउ गरिएको छ। ना४च २४७७ नम्बरको गाडी चेकजाँच गर्दा डाइजोल्याब, फेनारगन, लुपिजेसिक र सिरिन्जसहित उनीहरु पक्राउ परेको उदयपुर प्रहरीले जानकारी दिएको छ।

पक्राउ परेका दुवैलाई जिल्ला प्रहरी कार्यालयमा राखिएको छ भने गाडी र चालकलाई समेत नियन्त्रणमा लिई थप अनुन्धान भइरहेको प्रहरीको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कम्युनिस्टहरू नसुध्रिए ०८४ सालको चुनावमा जनताले बढार्छन् : झलनाथ खनाल

शुभमन गिल बने भारतको नयाँ टेस्ट कप्तान

जुम्लाका दुई पालिका पूर्ण खोप सुनिश्चितता घोषित