विषम परिस्थितिमा सामान्यीकरणका साथ अघि बढ्न एनसेलले ल्यायो नयाँ अभियान

कोरोना अपडेट

नेपाल लाइभ बिहीबार, कात्तिक २०, २०७७ १५:३५

काठमाडौं- कोरोना प्रतिकार्यमा विभिन्न कार्यक्रम गर्ने क्रममा एनसेलले बुधबार साँझ आफ्नो सामाजिक सञ्जालको पेजबाट एक लघु चलचित्र सार्वजनिक गर्दै नयाँ अभियानको थालनी गरेको छ।

‘अनपज’ थिम रहेको यो अभियान एनसेलले आफ्नो ब्रान्डको सार ‘आज, भोलि सधैं सँगै’ अनुरुप संचालन गरेको हो। यो छोटो फिल्ममा कोभिड प्रकोपपूर्वको सामान्य जनजीवन, लकडाउनको अवस्था, असर र अहिलेको विषम परिस्थितिको बेलामा नव सामान्यीकरणका साथ कसरी अगाडि बढ्न सकिन्छ भनेर देखाइएको छ।

यसै अभियानको पाटोको रुपमा नै एनसेलले दसैंअगाडि मुभिङ अहेड वेबिनार सेरिज पनि संचालन गरेको थियो। यी वेबिनारहरुमा विभिन्न क्षेत्रका व्यक्तित्वहरुलाई आमन्त्रित गरी लकडाउनले दिएका सिकाइ तथा अनुभव, नव सामान्यीकरणतर्फको संक्रमणको समय र कोरोनाको संकटका बेलामा कसरी भविष्यको पुनःकल्पना गर्दै अगाडि बढ्न सकिन्छ भनेर बहस भएको थियो।

यो अभियानसँगै एनसेलले पहिले लकडाउनको बेलामा जस्तै उपभोक्ताका लागि आफ्नो सेवा तथा सुविधाका अफरहरु ल्याउने संकेत गरेको छ। यसअघि नै एनसेलले ‘अघि बढौं’ भन्ने थिममा नारीका लागि विषेश सिम योजना ‘गो सिम’ ल्याइसकेको छ। लकडाउनको अवस्थामा एनसेलले आफ्ना विभिन्न सेवाहरुका शुल्कमा राहत प्रदान गर्दै सहज र निर्वाध रुपमा सञ्चार सेवामा पहुँच र प्रयोगका लागि योगदान गरेको एनसेलले उल्लेख गरेको छ।

एनसेलका अनुसार कम्पनीले कोभिड प्रतिकार्य अन्तर्गत विभिन्न सामाजिक कार्यहरु, सेवामा छुट, रिचार्जमा १२० प्रतिशत बोनस लगायतका विभिन्न राहत अफरहरु समेत गरी कुल ९ अर्ब ६४ करोड भन्दाबढी मूल्यको योगदान गरेको छ। एनसेलले हाल स्वास्थ्य तथा जनसंख्या मन्त्रालय र युनिसेफसँगको सहकार्यमा कोरोना र जनस्वास्थ्य सम्बन्धी नियमहरुको पालनाका लागि जनचेतना फैलाउन काम गर्दै आइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान