५ लाख घुससहित पक्राउ परेका मालपोत कार्यालय डिल्लीबजारका ४ कर्मचारीले सफाइ पाए

समाज

नेपाल लाइभ शुक्रबार, वैशाख २१, २०७५ ११:१४

काठमाडौं– विशेष अदालतले ५ लाख रकमसहित पक्राउ परेका डिल्लीबजार मालपोत कार्यालयका ४ कर्मचारीलाई सफाइ दिने फैसला सुनाएको छ।

अख्तियार दुरुपयोग अनुसन्धान आयोगले मालपोत कार्यालय डिल्लीबजारका ४ कर्मचारीलाई ५ लाख रुपैयाँ घुस लिइरहेको भन्दै २०७२ फागुनमा पक्राउ गरेको थियो। अख्तियारले उनीहरु विरुद्ध २०७२ चैत ५ गते भ्रष्टाचार मुद्दा दायर गरेको थियो। उनीहरुलाई डिल्लीबजारको एक क्याफेमा सेवाग्राहीसँग रकम लिइरहेको अवस्था पक्राउ गरिएको आयोगको अभियोगपत्रमा दाबी गरिएको थियो। तर विशेष अदालतले उनीहरुसँग पक्राउ परेको रकम घुस भएको प्रमाण पेश नभएको भन्दै सफाइ दिएको हो।

न्यायाधीशहरु रत्नबहादुर बागचन्द,चण्डीराज ढकाल र नारायणप्रसाद पोखरेलको इजलासले उनीहरुलाई सफाइ दिएको हो।

आयोगको टोलीले कार्यालयका नायव सुव्वाहरू मुकुन्दराज पाण्डे, एकनारायण अर्याल, पोष्टराज पोखरेल र कार्यालय सहयोगी लहरी कुमाललाई घुस लिँदा लिँदै पक्राउ गरेको दावी गरेको थियो । उनीहरुले काठमाडौं महानगरपालिका ८ गुहेश्वरीस्थित विभिन्न कित्ताहरूको १ सय ३० रोपनी क्षेत्रफल रहेको जग्गामध्ये बागमती ढल सुधार आयोजनाले चर्चेको जग्गाबाहेक बाँकी रहेको जग्गाको क्षेत्रफल यकिन गर्न घुस लिएको दाबी आरोपपत्रमा उल्लेख थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हार्वर्ड विश्वविद्यालयमा विदेशी विद्यार्थी भर्ना रोक्ने ट्रम्प प्रशासनको कदममा अदालतको रोक

पहिरोले कालीगण्डकी कोरिडोर अवरुद्ध

अवरुद्ध कान्ति लोकपथ पूर्ण रूपमा सञ्चालनमा