काठमाडौं- साझा पार्टीको केन्द्रीय प्रवक्तामा शरदराज पाठक नियुक्त भएका छन्। केन्द्रीय सदस्य पाठक विगत ६ महिनादेखि सहप्रवक्ताको भूमिकामा थिए। पार्टीका संयोजक रवीन्द्र मिश्रले फेसबुक स्टाटस मार्फत पाठकलाई प्रवक्ता नियुक्त गरिएको जानकारी दिएका हुन्।
उनी गत संघीय निर्वाचनमा चितवन- ३ बाट पार्टीका उम्मेदवार थिए।
ग्रामिण विकासमा स्नातकोत्तर गरेका पाठकले साझा पार्टीमा सक्रिय हुनअघि विभिन्न सञ्चारमाध्यममा सम्पादकीय नेतृत्व गरेका थिए।
उनले अष्ट्रेलियामा रहँदा अष्ट्रेलियाको नेपालीपत्र साप्ताहिकको संस्थापक सम्पादक भएर काम गरेका थिए भने त्यसअघि उनी नेपालमा कालिका एफएम तथा रेडियो अन्नपूर्ण नेपालको समाचार प्रमुख र कान्तिपुर एफएमको सम्पादकीय टोलीका सदस्य थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790922676.png)
-1786602170.png)
