काठमाडौं- यसवर्षको नोबल शान्ति पुरस्कार विश्व खाद्य कार्यक्रम (वर्ल्ड फुड प्रोग्राम) ले पाएको छ।
विश्वभरी फैलिएको कोभिड- १९ महामारीका कारण सिर्जित भोकमरी तथा खाद्य असुरक्षा र विभिन्न मुलुकले भोगिरहेको आन्तरिक तथा बाह्य मुलुकहरुसँगको युद्धका कारण देखिएका खाद्य संकटको व्यवस्थापनमा विश्व खाद्य कार्यक्रमले महत्वपूर्ण योगदान गरेको भन्दै सन् २०२० को विश्व नोबल शान्ति पुरस्कार दिने भएको हो।
विश्व खाद्य कार्यक्रमले विभिन्न मुलुकमा उत्पन्न द्वन्द्वको कारणका रुपमा समेत देखिएको भोकमरी र खाद्य सुरक्षा व्यवस्थापन योगदान पुर्याएको उल्लेख छ। यो संस्थाले सन् २०१९ मा भोकमरीमा परेका विभिन्न ८८ वटा मुलुकका १० करोड बढी मानिसमा सुरक्षित खाद्यान्न उपलब्ध गराई संकट व्यवस्थापन गरेको जनाइएको छ।
सन् २०१५ मा संयुक्त राष्ट्रसंघले विश्वलाई भोकमरी र खाद्य असुरक्षाबाट छुटकारा दिनुलाई पनि दिगो विकासको एक महत्वपूर्ण लक्ष्यका रुपमा लिएको छ। अहिले कोभिड- १९ महामारीका कारण यमन, डेमोक्राटिक रिपब्लिक अफ कंगो, नाइजेरिया, दक्षिण सुडान, बुर्किनाफासो लगायत मुलुकमा उच्च भोकमरीको जोखिम देखिएको र त्यसको व्यवस्थापनमा विश्व खाद्य कार्यक्रमले महत्वपूर्ण भूमिका खेलेबापत उक्त संस्थालाई विश्व नोबल शान्ति पुरस्कार दिइएको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766980460.png)
-1764146706.png)
-1766928868.png)
-1766648928.png)
