काठमाडौं- गाउँपालिका राष्ट्रिय महासंघ नेपाल र वर्ल्डभ्यू नेपालको संयुक्त आयोजनामा ‘गाउँपालिकाहरूका लागि प्रभावकारी सञ्चार र सूचना सञ्जालीकरण विषयक भर्चुअल अभिमुखीकरण कार्यक्रम’ सुरु भएको छ। देशका सबै गाउँपालिकाका लागि सुरु भएको यो अभिमुखीकरण असोज १५ देखि आगामी असोज २३ गतेसम्म संचालन हुने जनाइएको छ।
देशका ४६० गाउँपालिकाहरूलाई १७ भिन्न क्लष्टरमा विभाजन गरेर उक्त भर्चुअल कार्यक्रम सञ्चालन भइरहेको छ। कार्यक्रममा देशभरका गाउँपालिकाबाट एक हजारभन्दा बढी सहभागीहरुले भाग लिने बताइएको छ।
भर्चुअल अभिमुखीकरण कार्यक्रममा सामाजिक सञ्जालका माध्यमहरूको प्रभावकारी उपयोग र अवसरहरू, वेभमा आधारित एप्लिकेशन, इलेक्ट्रोनिक डिभाइस र इन्टरनेट सेक्यूरिटीको प्रयोग र महत्व, गाउँपालिका निर्णय तथा सूचनाहरूको सार्वजनिकीरण, सञ्चार माध्यमहरुसँगको सम्बन्ध व्यवस्थापन,समाचार तथा प्रेस नोटहरुको लेखन र अन्तरवार्तामा ध्यान दिनुपर्ने कुराहरु, साइवर सेक्युरिटी र सामाजिक सञ्जाल प्रयोगका रणनीतिजस्ता विषय समावेश गरिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
