‘सामसुङ ग्यालेक्सी जेड फोल्ड २’ को प्रि-बुकिङ स्मार्टडोकोमा उपलब्ध

कर्पोरेट

नेपाल लाइभ सोमबार, असोज १९, २०७७ १८:१६

काठमाडौं- सामसुङ ग्यालेक्सी जेड फोल्ड २ को प्रि-बुकिङ स्मार्टडोकोमा उपलब्ध गराइएको छ। यो फोन स्मार्टडोकोमा २ लाख ४९ हजार ९ सय ९९ रूपैयाँमा प्रि-बुकिङ गर्न सकिने कम्पनीले जनाएको छ।

यो फोनमा ग्लास स्क्रिन राखिएको छ’ जसमा किताब जस्तै फोल्ड गर्न मिल्नुका साथै ह्यान्ड्स फ्री क्यामेरा भएकाले हात हल्लाउँदा पनि फोटो खिच्न मिल्ने कम्पनीले बताएको छ। प्रि-बुकिङ गर्दा ग्राहकले १९ हजार ९ सय ९९ पर्ने सामसुङ ग्यालेक्सी बड्स लाइभ निःशुल्क पाइनुका साथै १ पटकका लागि १२ महिनाको ब्रेकेज बीमा पनि प्राप्त गर्न सक्नेछन्।

प्रि बुकिङ गर्नका लागि यो वेभसाइटमा गएर अथवा ९८०१०१३३११/९८०२००२८७० मा सम्पर्क गरेर पनि गर्न सकिने जनाइएको छ। प्रि-बुकिङका लागि भने ग्राहकले अग्रिम ५ हजार बुझाउनुपर्ने र बाँकी रकम ह्यान्डसेट हात परेपछि भुक्तानी गर्नुपर्ने बताइएको छ।

‘अघिल्लो समयमा सामसुङको फोल्डिङ फोनहरु नेपालमा नभित्रिँदा पनि अहिले भने हामीले नेपालमै पहिलो पटक सामसुङको ग्यालेक्सी जेड फोल्ड २ स्मार्टफोन स्मार्टडोकोबाट प्रि–बुकिङ्ग गराउन पाउँदा हामी अत्यन्तै उत्साहित छौं। यस यो सामसुङ ग्यालेक्सी जेड फोल्ड २ स्मार्टफोन एकदमै राम्रो र अपग्रेड भर्जनको साथ नेपाली बजारमा उपलब्ध गराइनेछ।’ आइएमएस ग्रुपका सिइओ दिकेश मल्होत्राले भने।
स्मार्टडोकोबाट प्रि–बुकिङ्ग असोज २८ गतेसम्म मात्र खुल्ला गरिएको कम्पनीले जनाएको छ। यसका साथै स्मार्टडोकोले सामसुङ ग्यालेक्सी जेड फोल्ड २ स्मार्टफोन निःशुल्क डेलिभरी गर्नेसमेत जनाएको छ।

स्मार्टडोकोमा १० विभिन्न क्याटोगोरीका साथै सब क्याटोगोरीहरु छन् जहाँ ग्राहकहरूले १० हजारभन्दा बढी सामानहरू खरीद गर्न सक्ने कम्पनीले बताएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

घरजग्गा कारोबारः गत पुसमा चार अर्ब २५ करोड राजश्व सङ्कलन

अमेरिकी डलरको मूल्यमा नयाँ कीर्तिमान कायम

यु-१९ महिला विश्वकपमा नेपाल, उद्घाटन खेलमा बंगलादेशको सामना गर्दै