काठमाडौं– पूर्वप्रधानन्यायाधीश कल्याण श्रेष्ठले डा गोविन्द केसीका माग जनपक्षीय र सबैको भएकाले तिनलाई सम्वोधन गर्न कन्जुस्याइँ नगर्न सरकारलाई आग्रह गरेका छन्।
‘सोलाडारिटी फर गोविन्द केसी’ ले बिहीबार गरेको भर्चुअल छलफलमा श्रेष्ठले सरकारले हरहालतमा डा केसीको जीवनरक्षा गर्नुपर्ने बताए। ‘डा केसीभन्दा स्वार्थरहित मान्छे अर्को मैले देखेको छैन,’ उनले भने, ‘उहाँले जनताको मुद्दा उठाउनुभएको हो, स्वार्थरहित माग छन्। जनताको बिम्बका रूपमा उहाँ सत्याग्रहमा हुनुहुन्छ।’
पूर्वप्रधानन्यायाधीश श्रेष्ठले केसीको माग सम्वोधन गर्नु कसैको हारजितको विषय नभएको पनि बताए । ‘गोविन्द केसी एक्लो हुनुहुन्न, सत्य एक्लो र निर्धो हुँदैन, केसीले जित्दा सरकारले पनि जित्छ, हार्दा सरकारले पनि हार्छ,’ उनले भने, ‘जनताकै मागहरु उहाँले उठाउनु भएको छ सम्वोधन गर्दा सरकार जनताको ठहर्छ। डा केसीले यसअघि सम्झौता गरिसकेका विषय कार्यान्वयन गर्न माग गरेकाले त्यसलाई पूरा गर्नु सरकारको कर्तव्य हुने उनले बताए । ‘‘ ‘कबुल गरेको कुरामा छलछाम गर्न मिल्दैन,’ उनले थपे, ‘सत्तालाई सचेत गराउने व्यक्तित्वको माग पूरा गरेर सरकारले जस लिने ठाउँ छ ।’ माग पूरा गर्न असम्भव पनि नरहेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
