बिबिसी- अर्मेनिया र अजरबैजानका सेनाबीच पुनः विवाद सुरू भएको छ। दुवै देशका सेनाबीच नागोर्नो काराबाख क्षेत्रलाई लिएर विवाद भएको हो। त्यही विवादका कारण अजरबैजानले गरेको हवाई आक्रमणको बदलामा अर्मेनियाले पनि हवाई आक्रमण गरेको बिबिसीले उल्लेख गरेको छ।
आक्रमणबाट के कति क्षति भयो भन्ने बारे अहिलेसम्म यकीन भइसकेको छैन। तर दुवै देशका नागरिकको मृत्यु भएको हुनसक्ने आशंका गरिएको छ।
अजरबैजानले सो हवाई आक्रमणबाट आफ्ना नागरिकले ज्यान गुमाउनुपरेको बताएको छ। केही समयअघि उत्पन्न विवादले अहिले उग्र रूप लिएको बिबिसीले उल्लेख गरेको छ। दुवै देशको विवाद मिलाउनका लागि रूसले वार्ता गरेर युद्धविरामको आह्वान गरेको छ।
विवादित क्षेत्रमा अर्मेनियाका नागरिकले बसोबास गरे पनि अन्तर्राष्ट्रिय रूपमा अजरबैजानको जमिन भएको उल्लेख गरिएको छ। सन् १९९१ मा पतन हुनुपूर्व अर्मेनिया र अजरबैजान सोभियत संघको हिस्सा थिए।
विवादित क्षेत्र ३० वर्षयता विवादित हुँदै आएको छ। अर्मेनियाले गरेको आक्रमणको प्रतिकार गर्नका लागि तयार रहन आफ्ना सेनालाई अजरबैजानका राष्ट्रपति ओलिएभले आह्वान गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
