काठमाडौं- नेपाल टेलिकमले संविधान दिवसका अवसरमा अनलिमिटेड युट्युब, अनलिमिटेड फेसबुक र एड-अन प्याक उपलब्ध गराउने भएको छ। यी प्याक उपलब्ध गराउनका लागि आवश्यक सबै तयारी पूरा भएको नेपाल टेलिकमले जानकारी दिएको छ।
असोज २, ३ र ४ गते अनलिमिटेड युट्युब र अनलिमिटेड फेसबुक चलाउन प्रतिप्याक ५५ रुपैयाँमा नै उपलब्ध गराइने भएको छ। अनलिमिटेड युट्युब र अनलिमिटेड फेसबुक प्याकमध्ये कुनै एक प्याक खरिद गर्ने ग्राहकले एड–अन प्याकको रुपमा रु. १५ मा १ जीबी डाटा प्याक खरिद गरी डाटा प्रयोग गर्न सकिने सुविधासमेत रहेको टेलिकमले जनाएको छ। यी सबै प्याक खरिद गरेको मितिबाट ३ दिनसम्म प्रयोग गर्न सकिनेछ ।
हाल समर अफर अन्तर्गत २८ दिनको समयावधि हुने १ जिबी प्रतिदिन डाटा प्याक ८५० मा उपलब्ध भइरहेकोमा संविधान दिवसको अवसरमा यसमा ३४.७ प्रतिशतको भारी छुट प्रदान गरिएको छ। सो अनुसार यो प्याक २०७७ असोज २, ३ र ४ गते जम्मा ५५५ रुपैयाँमा उपलब्ध हुनेछ ।
यी अफर *१४१५*११# डायल गरी प्राप्त गर्न सकिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
