वामदेव गौतमले लिए सपथ

राजनीति

नेपाल लाइभ बिहीबार, असोज १, २०७७ १६:५३

काठमाडौं- वामदेव गौतमले राष्ट्रिय सभा सदस्यको रुपमा सपथ लिएका छन्। उनलाई बिहीबार राष्ट्रपति विद्यादेवी भण्डारीले राष्ट्रिय सभा सदस्यमा मनोनीत गरेकी थिइन्।

गौतमलाई गत सोमबार बसेको मन्त्रिपरिषद् बैठकले राष्ट्रिय सभा सदस्यमा सिफारिस गर्ने निर्णय गरेको थियो। राष्ट्रिय सभामा राष्ट्रपतिले मनोनीत गर्ने एक पद गत फागुनदेखि नै रिक्त छ।

गौतम २०७४ सालमा सम्पन्न प्रतिनिधि सभाको निर्वाचनमा पराजित भएका थिए। त्यसयता नै उनी सांसद बन्ने प्रयत्नमा थिए।

गत फागुन १४ मा सम्पन्न सत्तारुढ नेपाल कम्युनिस्ट पार्टी (नेकपा) को सचिवालय बैठकले गौतमलाई राष्ट्रिय सभा सदस्य बनाउने निर्णय गरेको थियो। सोही निर्णय भदौ १८ मा बसेको सचिवालय बैठकले दोहोर्‍याएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूनको मूल्य एकैदिन प्रतितोलामा एक हजार पाँच सय रूपैयाँ बढ्यो सुनको भाउ

प्रमुख सत्तारुढ दल नै सडकमा, दरबारमार्ग आसपासमा ट्राफिक जाम

नेतन्याहु, ग्यालेन्ट र डिफविरुद्ध आईसीसीको पक्राउ पुर्जी जारी