काठमाडौं–सर्वोच्च अदालतका पूर्वप्रधानन्यायाधीश अनिरुद्धप्रसाद सिंहको निधनको शोकमा बिहीबार देशभरका अदालतमा बिदा हुने भएको छ। अदालतको बुधबार बसेको आकस्मिक पूर्ण बैठकले पूर्वप्रधानन्यायाधीश सिंहको निधनप्रति दुःख व्यक्त गर्दै सर्वोच्च अदालतसहित देशभरका अदालतमा शोक बिदा दिने निर्णय गरेको हो।
सर्वोच्च अदालतका प्रवक्ता भद्रकाली पोखरेलद्वारा जारी विज्ञप्तिमा सिंहको निधनबाट राष्ट्रले एउटा सच्चा राष्ट्रप्रेमी र न्यायीक व्यक्तित्व गुमाएको उल्लेख गर्दै उनको आत्माको चीर शान्तिको कामनासहित शोक सन्तप्त परिवारजनमा समवेदना प्रकट गरिएको छ।
सिंह २०१३ देखि २०१६सम्म सर्वोच्च अदालतका प्रधानन्यायाधीश रहेका थिए। उनी सर्वोच्च अदालत गठन भएपछिका प्रथम प्रधानन्यायाधीश थिए। निमोनियाका बिरामी सिंहको मंगलबार आफ्नै निवासमा निधन भएको हो। निमोनियाले विरामी रहेका थिए । उनी अख्तियार दुरुपयोग अनुसन्धान आयोग र लोकसेवा आयोगका प्रमुख पनि भएका थिए।
सप्तरी जिल्लामा १९७६ सालमा जन्मिएका सिंह २०१३ साल जेठ ८ गते प्रधानन्यायाधीश नियुक्त भई २०१६ असार १५ गतेसम्म काम गरेका थिए। विसं २००३ सालदेखि वडाहाकिमको पदबाट सिंंहले सरकारी सेवा प्रारम्भ गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
