काठमाडौं–सिन्धुपाल्चोकको गुमथाङ, बाह्रबिसे र आसपास ६ घण्टायता ठूलो वर्षा भएपछि बलेफी जलबिरेमा जल सतह सतर्कता पुगेको छ। जलसतह अझै बढ्दो क्रममा रहेको जल तथा मौसम विज्ञान विभागले जनाएको छ।
विभागले भोटेकोसी, इन्द्रावदी, मेलम्ची र सिन्धुपाल्चोकका साना नदीमा आकस्मिक बहाब हुन सक्ने भएकाले आसपास पहिरोको जोखिम रहेको उल्लेख गर्दै तटीय क्षेत्रमा बिहान १० बजेसम्म सतर्क रहन आग्रह गरेको छ।
विभागको मौसम पूर्वानुमान महाशाखाका अनुसार हाल देशभर सामान्य बदली रही प्रदेश १, बागमती प्रदेश, प्रदेश २, गण्डकी प्रदेश र प्रदेश ५ का केही स्थानहरुमा मेघ गर्जन र चट्टयाङसहित वर्षा भईरहेको छ।
आज दिउँसो पनि प्रदेश १ , प्रदेश २, बागमती प्रदेश, गण्डकी प्रदेश र प्रदेश ५ एक वा दुई स्थानहरुमा भारी वर्षाको सम्भावना रहेको महाशाखाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
